Lucas 6:38 - Maung A Balita Biblia

³⁸ Mangiter kayod kapara yon too, pian mangiter met so Dios ed sikayo. Say iter na Dios ed sikayo et singa salup a pinatuk, pinerper tan mantampuwag. Ta no panoy panukat yod arum a too, ontan met so panukat na Dios ed sikayo.”

Maung a Balita Biblia

³⁸ Mangiter kayod kapara yon too, pian mangiter met so Dios ed sikayo. Say iter na Dios ed sikayo et singa salup a pinatuk, pinerper tan mantampuwag. Ta no panoy panukat yod arum a too, ontan met so panukat na Dios ed sikayo.

Lucas 6:38 Referans Kwoze

Deuteronomio 15:10

Mabolbolus sirin ya itdan yo, et say Katawan bindisionan to kayo ed amin a gawaen yo.

Marcos 4:24

Insan inkuantod sikara, “Talusan yon maung so narerengel yo. No panoy panukat yod arum a totoo, ontan met so panukat na Dios ed sikayo—lalon mapeget ni ingen.

Mateo 7:2

Ta no panoy panisintinsia yod arum a too, ontan met so panisintinsia na Dios ed sikayo; tan no panoy panusukat yod arum a too, ontan met so panusukat na Dios ed sikayo.

Probirbio 22:9

Nabindisionan ka no mabonluk so panangiter mo tan inagnag mod saray mairap-bilay so kakanen mo.

Probirbio 19:17

No mangiter kad saray mairap-bilay singa papautangen moy Katawan, et say Katawan so mambayar ed sika.

Probirbio 10:22

Say bindision na Katawan so mamapayaman ed sika. Say pinasyan kimey ag to ka napayaman.

Mateo 10:42

Tandaan yo ya! Say mangiter na anggan sakey a bason ambetel a danum ed sakey ed saray sankaabebaan a disipulok, lapud sikatoy disipulok, walay awaten ton awaten a tumang to.”

Lucas 6:30

No walay siopaman a mikerew ed sika, iter moy kerewen to. No walay mangalay antokaman a kayaryan mo, ag mo la bababawien.

Santiago 2:13

Ta diad panagsintinsiay Dios, ag to kasiay toon ag to amtay mangasi; balet say panangasi taloen toy sintinsia.

Say Libro nen Job 42:11

Amin ya agagi nen Job a lalaki tan bibii tan saray gendat a kakaaro to binisita ra tan akiliket irad sikato ed abung to. Impanengneng day pidadamay da tan nililigliwa ra ed saray gunigon tan kairapan ya inter na Katawan ed sikato. Angiter so balang sakey ed sikara na kuarta tan sakey a balituk a singsing.

Saray Salmo 79:12

Katawan, bales mo pan mamimpito iray arum a bansa, lapud saray impanpapabaing dad sika.

Ester 9:25

Balet linmay Ester ed ari, tan angipaakseb so ari na saray nisulat a ganggan. Say agawa et si Haman so nansumpalan na samay maoges a ginetma tod saray Judio; sikato tan saray anak ton lalaki so nibitay ed panagbitayan.

Saray Huis 1:7

Inkuanen Adoni-bezec, “Nandodokdok nen saman na ibung ed silong na lamisaan ko iray arari ya apotut-potut so tangan na lima tan sali ra. Gagawaen ed siak natan na Dios imay ginagawak ed sikara.” Niakar ed Jerusalem si Adoni-bezec, tan diman la inatey.

Ester 7:10

Kanyan nibitay si Haman ed panagbitayan ya impagawa ton para si Mardokeo. Insan kinmepa so pasnuk na ari.

Jeremias 32:18

Impanengneng moy ag mangoman a panangarom ed saray nilibon totoo, balet dudusaen mo met iray totoo lapud saray kasalanan da ray atateng da. Matalonggaring tan makapanyari kan Dios; Yahweh a Makapanyarin-amin so ngaran mo.

Exodo 21:24

say mata bayaran na mata, say ngipen bayaran na ngipen, say lima bayaran na lima, say sali bayaran na sali,

2 Samuel 19:36

Ag ak manepeg a mangawat ed satan a baleg a tumang. Kanyan mila ak labat ed sika diad lablabas na Jordan.