Lucas 6:1 - Maung A Balita Biblia

¹ Aminsan ya Agew na Panagpainawa, ondaralan ed katrigowan si Jesus tan saray disipulo to. Lapud narasan ira nanaala ray disipulo to na bungay trigo, nililirlir dad lima ra, tan kinakakan da.

Maung a Balita Biblia

¹ Aminsan ya Agew na Panagpainawa, ondaralan ed katrigowan si Jesus tan saray disipulo to. Lapud narasan ira nanaala ray disipulo to na bungay trigo, nililirlir dad lima ra, tan kinakakan da.

Lucas 6:1 Referans Kwoze

Deuteronomio 23:25

No manakar kayod basbas na katrigowan na siopaman, nayarian yoy mangan na anggan anton karakel na naalay lima yo, balet ag nepeg a manggapas kayo.

Levitico 23:7

Diad ononan agew na pista mantitipon kayon mangigalang ed Katawan tan tonda kayod inagew-agew a kimey yo.

Exodo 12:15

Say Katawan kuanto, “Diad loob na pitoran agew ag kayo mamangan na tinapay a pinaalsad libadura—saray tinapay ya anggapoy libadura labat so kanen yo. Diad ononan agew ibantak yoy amin a libaduran narumog yo ed kaabungan yo, ta no walay Israelitan mangan na tinapay a nanlibadura legan na sarayan agew, ag la nibilang a sakey ed saray totook.

Deuteronomio 16:9

“Mambilang kayo na pitoran simba manlapud pangigapo yo na panagani,

Levitico 23:15

Mambilang kayo na pitoran simba manlapud ontombuk ya agew kayari na Agew na Panagpainawa, say agew na impangisaklang yod Katawan na sakey a berber na trigo.

Lucas 5:39

Tan anggapoy malabay ya oninom na balon alak no atawayan to lay daan, ta ikuanto, ‘Magmaung niy daan ya alak!’”

Lucas 6:6

Aminsan met ya Agew na Panagpainawa, linmay Jesus a mambangat ed sinagoga. Walad may lakin aparalisis so sakey a lima to.