Lucas 4:22 - Maung A Balita Biblia

²² Indayew na amin a totoo, tan mankelaw irad saray mararakep a salita to. “Aliwa tan sikato ya may anak nen Jose?” tepet da.

Maung a Balita Biblia

²² Indayew na amin a totoo, tan mankelaw irad saray mararakep a salita to. Aliwa tan sikato ya may anak nen Jose? tepet da.

Lucas 4:22 Referans Kwoze

Juan 6:42

Kanyan inkuanda, “Ag ta sikato ya may Jesus ya anak nen Jose? Kabat ti ray atateng to! Panoy pangibabaga to natan a nanlapud tawen?”

Saray Salmo 45:2

Sikay sankaguapoan ed amin da ray lalaki; marunong kan manalita. Bibindisionan ka lawas na Dios!

Probirbio 16:21

Amta so toon makabat lapud pakatalus to. No lalon marakep iray salita to, sikatoy lalon makaayayat.

Tito 2:8

Nakaukolan ya ag nabalaw so antokaman a salitaen mo, pian nabaingan iray sumpad sika, diad ag da pakapangibagay antokaman a maoges a sumlang ed sikatayo.

Saray Gawgawa 6:10

Balet ag da nadaeg so kakabatan ya inter na Ispiritu ed kinen Esteban.

Juan 7:46

Inmebat ira may guardia, “Anggapo niy toon nansalita a singa panagsalita to man a too!”

Lucas 21:15

ta itdan ta kayoy kakabatan tan panagsalitan ag nasarag a sumlangen o paandien na saray amin a kalaban yo.

Isaias 50:4

Imbangat na Katawan a Dios ed siak so salitaen ko, pian napabiskeg ko so linawa na toon mapaga. Kapag kabwasan iitdan to ak na pilalek ya ondengel ed ibangat to.

Kanta nen Solomon 5:16

Masamsamit ya anguban so sangi to; panliketan koy amin a nipaakar ed sikato. Onya so kapara na inarok, O bibiid Jerusalem.

Probirbio 25:11

Say kanunotan a marakep so inkibalikas to et singa akortin balituk ya impatoon ed pilak.

Probirbio 10:32

Saray totoon matonung amta ray salitan marakep ya ibalikas, balet saray totoon maoges ansakit a salita so lawas ibabalikas da.

Saray Salmo 45:4

Lakan sigagalang ya akalogan a manalo ed bakal, diad pangyagel mod katwaan tan katonungan! Say biskeg mo, panaloen to kad amayamay a bakal!

Lucas 2:47

Mankelaw iray amin ya akadngel ed sikato, lapud kakabatan tan saray ebat to.

Ecclesiastes 10:12

Pakagalangan na makabat a too so bunga na saray salita to, balet kaderalan na makulang-kulang so bunga na saray salita to.

Lucas 2:48

Mankelaw met iray atateng to nen anengneng da. Inkuanen ina to, “Anak, akin et onyay ginawam ed sikami? Mapalaloy pagpaga mi nen amam diad panaanap mid sika.”

Lucas 4:21

Inkuantod sikara, “Asumpal ed sayan agew so ibabaga to yan parti na Masanton Sulat a nadngel yo.”

Juan 1:45

Nalmo nen Felipe si Nataniel tan kuantod sikato, “Arumog miy Jesus a taga Nazaret ya anak nen Jose. Sikato may toon labay ya ibaga nen Moises ed insulat tod Ganggan, tan sikato met imay labay ya ibaga da ray propita.”