Lucas 3:3 - Maung A Balita Biblia

³ Niliber to sirin so intiron lugar na Jordan. Impupulong to, “Magbabawi kayod saray kasalanan yo tan mampabinyag kayo, et say Dios pirdonaen to kayo.”

Maung a Balita Biblia

³ Niliber to sirin so intiron lugar na Jordan. Impupulong to, Magbabawi kayod saray kasalanan yo tan mampabinyag kayo, et say Dios pirdonaen to kayo.

Lucas 3:3 Referans Kwoze

Lucas 1:77

tan ibagam ed saray totoo to a nilaban ira, diad pakapirdonay kasalanan da.

Saray Gawgawa 22:16

Natan sirin, ag ka la mantatayam-tayam. Alagey ka tan pabinyagan ka, tan paorasan mo ray kasalanan mo diad panamegley na itawag mod ngaran to.’”

Saray Gawgawa 19:4

Inkuanen Pablo, “Say binyag nen Juan et para saray totoon nagbabawid saray kasalanan da. Imbaga tod saray totood Israel a nepeg day manisia ed samay ontotombuk ya onsalat ed sikato, a si Jesus.”

Saray Gawgawa 13:24

Kasakbayay impangigapo nen Jesus na kimey to, impupulong nen Juan ed intiron Israel a mampatauli rad saray kasalanan da tan mampabinyag ira.

Juan 3:26

Kanyan linma rad kinen Juan tan kuanda, “Maistro, samay toon tinasian mo tan kaibam ed biek na Jordan et mamibinyag met la tan daragoen na amin a totoo.”

Mateo 3:11

Siak bibinyagan ta kayo ed danum a pakanengnengay impagbabawi tan impangibeneg yod saray kasalanan yo; balet say manomtombuk ya onsalat ed siak et binyagan to kayo ed Ispiritu Santo tan apoy. Lalon makapanyari nen siak tan ag ak manepeg ya anggan manlibit na saray sandalya to.

Juan 1:28

Agawa ra yan amin ed Betania diad nibaliw na Jordan a pamibinyagan nen Juan.

Lucas 1:16

Dakel iray totoon taga Israel a papawilen tod Katawan a Dios da.

Lucas 4:1

Sinmiput si Jesus ed Jordan a napnoy Ispiritu Santo, tan inyakar ed kalawakan na Ispiritu.