Lucas 3:14 - Maung A Balita Biblia

¹⁴ Wala met iray sondalon nantepet, “Sikami met ey? Antoy nepeg min gawaen?” Inmebat ed sikara, “Ag kayo mimialay kuartad siopaman diad pamasoot o pangakusad sikato. Pasarag yoy suildo yo.”

Maung a Balita Biblia

¹⁴ Wala met iray sondalon nantepet, Sikami met ey? Antoy nepeg min gawaen? Inmebat ed sikara, Ag kayo mimialay kuartad siopaman diad pamasoot o pangakusad sikato. Pasarag yoy suildo yo.

Lucas 3:14 Referans Kwoze

Exodo 20:16

“Ag ka mantitila no mantasi ka sumpad kaparam a too.

FILIPOS 4:11

Ibabagak ya, aliwan lapud labay kon tulongan yo ak, ta naaral ko lay manliket ya anggan antoy kipapasen ko.

Levitico 19:11

“Ag kayo mantatakew odino manasaol odino mantitila.

Exodo 23:1

“Ag yo iwawakawak so tila-tilan balita, tan ag yo tutulongan so toon nankasalanan diad pantasi yo na tila.

Lucas 19:8

Inmalagey si Zaqueo tan inkuantod Katawan, “Iter koy kapalduay kayaryan ko ed saray mairap-bilay, Katawan; tan no wala bilang so sinaol ko, mamipat a karakel so ipawil ko.”

Puyan 12:10

Insan nadngel koy maksil a bosis ed tawen ya inkuanto, “Sinmabi lay pangilabay Dios! Impanengnengto lay pakayari ton Ari! Impanengneng la na Cristo so pakaoley to! Ta apataynan lad tawen so mangaakusan agew-labi ed saray agagi tayo, diad arap na Dios.

Tito 2:3

Ontan met ya ibagam ed saray mamatakken a bibii a mambilay iran masimpit, ag ira mantatalabutob, tan ag ira mambuabuanges; mambangat ira ingen na kamaungan,

FILIPOS 2:15

pian nipanengneng yon anak kayoy Dios, malinis tan anggapoy pakabalawan yod saray pilimugan yon totoon maoges tan makasalanan. Nepeg a liwawaan yo ra a singa panliliwaway bitewen ed tawen,

Saray Gawgawa 10:7

Kasiput to may anghil, tinawag nen Cornelio so duaran igaganggan to tan sakey a sondalon matoor ed Dios, sakey ed saray managlingkur ed sikato.

Mateo 8:5

Kasabi nen Jesus ed Capernaum, inmasingger ed sikato so sakey a kapitan na sanlasus a sondalo tan akikasi. Inkuanto,

Lucas 3:10

Tinepet na saray totood sikato, “Antoy nepeg min gawaen sirin?”

Lucas 3:13

“Ag kayo manisingil na masoluk nen say nepeg yon singilen,” ebat to.