Lucas 24:52 - Maung A Balita Biblia

⁵² Inggalang da tan pinmawil iran magaygayaga ed Jerusalem.

Maung a Balita Biblia

⁵² Inggalang da tan pinmawil iran magaygayaga ed Jerusalem.

Lucas 24:52 Referans Kwoze

Mateo 28:9

Kabebekta inabet nen Jesus ira tan inkuanto, “Say kareenan komuy walad sikayo!” Sinmingger irad sikato, inegnaan da ray sali to tan inggalang da.

Juan 16:22

Ontan kayo met: maermen kayo natan, balet nanengneng ta kayo lamet, et napanoy liket so puso yo, liket ya anggapon balut so toon makaekal.

Saray Salmo 30:11

Sinalatan mo na magayagan sayaw so ermen ko; nilakseb mod siak so ermen ko, insan inkawes mod siak so gayaga.

1 Pedro 1:8

Anggaman ya ag yo anengneng, aaroen yo. Anggaman ya ag yo nanenengneng natan, manisia kayod sikato. Kanyan manlepwad puso yoy baleg a liket ya ag nayarin ibalikas,

Juan 20:28

Inkuanen Tomas ed sikato, “Katawan ko tan Dios ko!”

Juan 14:28

Nadngel yon imbagak ed sikayo, ‘Ontaynan ak, balet pawilen ta kayo.’ No inaro yo ak, panliketan yoy iyakar kod Ama, ta matalonay Ama nen say siak.

Mateo 28:17

Nen anengneng day Jesus inggalang da, anggaman a wala ni ray manduaruwad sikara.

Juan 16:7

Balet nepeg yon naamtaay katwaan a pankaabigan yoy itaynan ko, ta no ag ak ontaynan, ag onsabid sikayoy Mananulong; balet na ontaynan ak, ibakik so Mananulong ed sikayo.

Lucas 24:51

Nen bibindisionan to ra, tinaynan to ra tan niatagey ed tawen.

Lucas 24:53

Wala ra lawas ed Timplo a misalsalamat ed Dios.

Saray Gawgawa 1:12

Pinmawil ed Jerusalem iray disipulo. Nanlapu rad Palandey na Kaolibaan, a ngalngali sakey kilomitroy kaarawi tod siudad na Jerusalem.