Lucas 23:2 - Maung A Balita Biblia

² Ginapoan dan inakusa, “Narel mi yan too,” inkuanda, “a sosogsogan to ray totoo mi a manggaway aliwa. Isesebel to met so pambayar na buis ed Impirador. Ibabaga to nid saray totoo a sikatoy Cristo, say sakey ya ari.”

Maung a Balita Biblia

² Ginapoan dan inakusa, Narel mi yan too, inkuanda, a sosogsogan to ray totoo mi a manggaway aliwa. Isesebel to met so pambayar na buis ed Impirador. Ibabaga to nid saray totoo a sikatoy Cristo, say sakey ya ari.

Lucas 23:2 Referans Kwoze

Juan 19:12

Nen nadngel ya nen Pilato, lalon labay ton ibolus si Jesus. Balet iningal na karaklan, “No ibolus mo tan a too, ag ka kaaro na Impirador. Siopamay mangipasen na laman ton dili ya ari, lalabanan toy Impirador!”

Lucas 23:14

tan inkuantod sikara, “Inyakar yo yan tood siak, ta kuanyon sosogsogan to ray totoo a manggaway aliwa. Natan, inosisak la tan naimatunan yo met, balet nalmoan ko ya anggapoy kasalanan to ed saray ipapakasalanan yod sikato.

Saray Gawgawa 24:5

Ta nalmoan min magolo yan too. Manangigapoy golo ed amin da ray Judio ed intiron mundo, tan sikatoy panguloy sikta na saray Nazareno.

Juan 18:30

Inmebat ira, “No anggapoy maoges a ginawa to yan too, ag mi komun inyakar ed sika.”

Marcos 12:17

Kanyan si Jesus kuanto, “Iter yod Impirador so nabebetangay Impirador, tan iter yo met ed Dios so nabebetangay Dios.” Kanyan mankelaw irad sikato.

Mateo 22:21

“Say Impirador,” ebat da. “No ontan sirin,” kuanen Jesus, “iter yod Impirador so nabebetangay Impirador, tan iter yo met ed Dios so nabebetangay Dios.”

Zacarias 11:8

Ag ak akaanos ed saray taloran kaparak a pumapastol ya amosul ed siak, kanyan pinagit ko ra ed loob na sakey bulan.

Jeremias 38:4

Insan inkuan na saray opisyal ed ari, “Nepeg a pateyen yan too. Diad pansasalita toy onya pakakapoyen toy linawa da ray sondalo tan saray arum a totoon walad dalem na siudad. Aliwan pankaabigan na karaklan so aanapen na sayan too, no ag say pakaderalan da.”

Jeremias 20:10

Narerengel koy paneesaesan na saray karaklan, “Makapataktakot ed anggan iner a pasen! Kanyan idalem tayod saray makankanepegan!” Anggan saray kakaarok a malet aalagden day kapelag ko. “Angangko nayarin palikdoen,” kuanda; “naerel tayo sirin tan makabawi tayo.”

Saray Salmo 62:4

Labay yo labat ya iyabeban manlapud matalonggaring a kipapasen to; panliliketan yo ray tila. Mansasalita kayoy panamindision, balet isasamba yo ed dalem na kapusoan yo.

Saray Gawgawa 24:13

Ag da met napaneknekan iray ipapakasalanan dad siak.

Lucas 23:5

Balet lalon kuandan impasoot, “Diad panamegley na pambabangat to, nasosogsogan iray totoo. Inggapo tod Galilea, insan diad intiron Judea, tan wadya la natan.”

Mateo 17:27

Balet pian anggapoy nibaga rad sikatayo, lakad dayat ta mambanwit ka. Alam so onaan a siran nabanwit mo. Walay kuartan naalmom ed sangi to a dugan ibayar tan buis a para Timplo. Alam, ta ibayar mo.”

Amos 7:10

Diad saman say pari ed Betel, a si Amasias, kuantod kinen Ari Jeroboam na Israel: “Kokompluten nen Amos iray totoo ya onsumpad sika. Naderal so bansa lapud saray ipupulong to.

Saray Salmo 35:11

Saray totoon maoges mantatasi ra sumpad siak, tan iyaakusa rad siak iray kasalanan ya ag kon balut ginawa.

1 Saray Arari 18:17

Nen anengneng nen Acab si Elias, inkuanto, “A, wadya ka manaya, sikan managgunigon ed Israel!”

Mateo 27:11

Manalalagey natan si Jesus ed arap na Gobirnador na Roma. “Sikay ari da ray Judio?” tinepet to may Gobirnador na Roma. Inmebat si Jesus, “Sika lan dili so mangibabaga.”

Marcos 15:2

Tinepet nen Pilato ed kinen Jesus, “Sikay ari da ray Judio?” Inmebat si Jesus, “Sika lan dili so mangibabaga.”

Juan 18:29

Pinmaway sirin si Pilato tan akiarapan ed sikara. Tinepet to, “Antoy kasalanan to yan too?”

Saray Taga Roma 13:7

Iter yo sirin ed sikaran amin so kanepegan da ya awaten; bayaran yoy lisinsia yo tan buis yo ed saray nepeg a pambayaran; takotan yo ray nepeg a takotan, tan igalang yo ray nepeg a galangen.