Lucas 22:37 - Maung A Balita Biblia

³⁷ Ta kuankod sikayon nepeg a nasumpal so ibabaga na Masanton Sulat nipaakar ed siak, ‘Sikatoy nibilang a sakey a kriminal.’ Ta nagagawa lay nisulat a nipaakar ed siak.”

Maung a Balita Biblia

³⁷ Ta kuankod sikayon nepeg a nasumpal so ibabaga na Masanton Sulat nipaakar ed siak, Sikatoy nibilang a sakey a kriminal. Ta nagagawa lay nisulat a nipaakar ed siak.

Lucas 22:37 Referans Kwoze

Isaias 53:12

Kanyan itdan ko na pasen na kagalangan, sakey a pasen a nakaiba to ray matalonggaring tan makapanyarin totoo. Sibobolus ton inter so bilay to tan say impatey to kapara na impatey na saray totoon maoges. Inala toy pasen da ray amayamay a makasalanan tan impikasi ton napirdona ra.”

2 CORINTO 5:21

Ag nankasalanay Cristo, balet lapud pankaabigan tayo, nibilang a makasalanan pian diad pikasakey tid sikato, nibilang itayon matonung ed arap na Dios.

Lucas 23:32

Wala met iray duaran kriminal ya inyakar dan pateyen a kabansag nen Jesus.

TAGA GALACIA 3:13

Dinondon to itayo nen Cristo manlapud samban iter na Ganggan nen sikatoy adusa a singa sakey ya nisamba para sikatayo; ta ibabagay Masanton Sulat, “Nisamba na Dios so siopaman a nibitin ed kiew.”

Juan 17:4

Pinagalangan ta kad sankamundoan, tan inonur koy pagagawam ed siak.

Juan 10:35

Amta tayo ya ag nayarin paandien so ibabaga na Masanton Sulat. Say Dios tinawag toy diriyos iray angitdan toy salita to.

Lucas 18:31

Imbiig nen Jesus iray labinduan disipulo tan inkuantod sikara, “Tandaan yo ya! Oonla tayod Jerusalem a diman nagaway amin ya insulat da ray propita nipaakar ed Anak na Too.

Lucas 22:22

Ompatey so Anak na Too, onung ed linaway Dios. Balet makapataktakot so nasagmak na toon mantraidor ed sikato!”

Marcos 15:27

Insan da impasak a kaiba nen Jesus so duaran tulisan ed sansakey a krus, diad nikawanan tan nikawigi to.

Lucas 22:36

“Balet natan,” kuanen Jesus, “siopamay walay pitaka o bayung to, nakaukolan ya awiten to. Siopamay anggapoy ispada to nakaukolan ya ilako toy kawes to tan manaliw na ispada.

Lucas 22:52

Insan inkuanen Jesus ed saramay manonan papari, saramay opisyal da ray guardiad Timplo, tan saramay mamatakken na baley a linmad man a mangerel ed sikato, “Akin et sankaawit yo ray ispada tan pekpek? Tulisan ak sirin?

Lucas 24:27

Insan impaliwawa nen Jesus ed sikara yan asalitan nipaakar ed sikato diad Masanton Sulat, manlapud saray libro nen Moises ya anggad saray sulat na amin da ray propita.