Lucas 22:35 - Maung A Balita Biblia

³⁵ Insan inkuanen Jesus ed sikara, “Nen imbaki ta kayo ya anggapoy awit yon pitaka, bayung, o sapatos, wala tay anggan antokaman a kinulangan yo?” “Anggapo,” ebat da.

Maung a Balita Biblia

³⁵ Insan inkuanen Jesus ed sikara, Nen imbaki ta kayo ya anggapoy awit yon pitaka, bayung, o sapatos, wala tay anggan antokaman a kinulangan yo? Anggapo, ebat da.

Lucas 22:35 Referans Kwoze

Lucas 10:4

Ag kayo manaawit na pitaka, bayung, o sapatos. Ag kayo tonda-tondad dalan a mangigalang ed anggan siopa.

Lucas 9:3

Inkuantod sikara, “Ag kayo manaawit na antokaman diad pampulong yo. Ag kayo manaawit na anggan bastun, bayung, kakanen, kuarta, tan duga lay sakey a kawes yo.

Saray Salmo 37:3

Manmatalek kad Katawan tan manggawa kay kamaungan; manayam kad dalin tan arawi kad kaatapan.

Saray Salmo 23:1

Say Katawan so managpastol ed siak; amin a nakakaukolan ko walad siak.

Deuteronomio 8:16

Diad kalawakan initdan to kayo na mana a kinan yo, say kakanen ya ag balut atawayan na saray lalaki yo. Initdan to kayo na saray kairapan a panubok tod sikayo, pian diad kaonuran nabindisionan to kayo na saray maabig a bengatla.

Genesis 48:15

Insan to binindisionan ni Jose: “Sarayan lalaki bindisionan ira komun na Dios, say Dios a nilingkuran di amak ya Abraham tan amak ya Isaac! Bindisionan ira komun na Dios ya angiwanwan ed siak ya anggad sayan agew!

Lucas 22:34

Inkuanen Jesus, “Kuankod sika, Pedro, kasakbayay ikukaok na lalung ed sayan agew, mamitlon ibagam ya ag mo ak kabat.”

Lucas 22:36

“Balet natan,” kuanen Jesus, “siopamay walay pitaka o bayung to, nakaukolan ya awiten to. Siopamay anggapoy ispada to nakaukolan ya ilako toy kawes to tan manaliw na ispada.

1 Saray Arari 11:22

Balet tinepet na ari, “Akin? Walay kinulangan kod sika, kanyan labay mo lay onsempet?” “Abuloyan mo ak labat ya onla,” ebat nen Hadad ed ari. Kanyan pinmawil ed dilin bansa to si Hadad. Maoges tan mapalalon kalaban na Israel si Hadad ya ari na Edom.

2 CORINTO 8:15

Onung na ibabagay Masanton Sulat, “Say toon anipoy dakel ag alabas ed kinarakel so kayaryan to, tan say toon anipoy daiset ag alabas ed kinaraiset so kayaryan to.”