Lucas 21:7 - Maung A Balita Biblia

⁷ “Maistro,” tinepet da, “kapigan nagawa ya? Tan antoy pakapatnagan ya asingger lan nagawa?”

Maung a Balita Biblia

⁷ Maistro, tinepet da, kapigan nagawa ya? Tan antoy pakapatnagan ya asingger lan nagawa?

Lucas 21:7 Referans Kwoze

Marcos 13:14

“Nanengneng yoy ‘Makapataktakot a Managderal’ ya akaalagey ed ag to kanepegan a pasen. (Paimano ed saray mambabasa: talusan yoy labay to yan ibaga!) No onya lay nagawa, nakaukolan ya ombatik ed kapalandeyan iray taga Judea.

Lucas 21:32

“Tandaan yo ya! Nagawa ra yan amin kasakbayay ipatey da ray totood sayan panaon.

Mateo 24:3

Nen manyodyorung si Jesus ed Palandey na Kaolibaan, linman maamut ed sikato ray disipulo. Tinepet da, “Kapigan so pakagawa da ra ya, tan antoy pakapatnagan ya asingger lay isabim tan say anggaay panaon?”

Daniel 12:8

Nadngel koy imbaga to, balet ag ko atalusan. Kanyan tinepet ko, “Balet panoy pangangga na amin a bengatla?”

Daniel 12:6

Say sakey ed sikara tinepet tod anghil a manalalagey ed bandad tulo tan akakawes na linen, “Kapigay itonda na sarayan makapakelaw a nagagawa?”

Lucas 21:6

“Nipaakar ed amin da ra yan nanenengneng yo natan: onsabi ray agew ya anggapoy anggan sakey a baton natilak ed pasen to, ta nageba ran amin.”

Lucas 21:8

Inkuanen Jesus, “Manalwar kayo tan ag kayo palilingo ed siopaman! Ta amayamay iray onsabi tan ikana ray ngaran ko ya ikuanda, ‘Siak so Cristo!’ tan ‘Sinmabi lay panaon!’ Balet ag yo ra totombuken.