Lucas 21:34 - Maung A Balita Biblia

³⁴ “Manalwar kayo! Ag kayo mapalalon kapaakan tan kapabuek, tan ag kayo met kapagunigon ed panagbilay yo, ta ompan biglan onsabid sikayo yan Agew

Maung a Balita Biblia

³⁴ Manalwar kayo! Ag kayo mapalalon kapaakan tan kapabuek, tan ag kayo met kapagunigon ed panagbilay yo, ta ompan biglan onsabid sikayo yan Agew

Lucas 21:34 Referans Kwoze

Marcos 4:19

balet deralen ira na saray kapagaan na panagbilay, say inkaagom ed kayamanan, tan say alablabas a pampirawat ed arum ni ran bengatla; kanyan ag ira mambunga.

Lucas 12:40

Sikayo met sirin, nakaukolan a sipaparaan kayo, ta onsabiy Anak na Too ed oras ya ag yo ilaloan.”

1 CORINTO 6:10

saray matakew, saray managlames, saray buanges, saray managpabaing, tan saray maagom—anggapod sarayan totoo so makatawir ed Panarian na Dios.

Puyan 3:3

Nunot mon maung sirin no anto ray nibangat ed sika tan nadngel mo. Sumpal mo ra, tan mampatauli ka. No ag ka onliing, singa ak matakew ya onlad sika—ag mo amta so oras na isabik.

2 Pedro 3:14

Kanyan inararon agagi, legan yon aalagaren ira ya, gawa yoy anggaay nayarian yon mambilay na mareen, ya anggapoy dotak tan pakabalawan ed sikayo diad arap na Dios.

TAGA GALACIA 5:20

panangigalang ed saray talintaoy diriyos, panaganito, pambobosulan, panlalaban, paniimonan, pampepetangay olo, pantatalonaan, pambabalingaan tan pansisiblangay grupo ed sakey a grupo,

1 CORINTO 5:11

Say labay kon ibaga, ag yo pipiolupan so toon ipapasen toy sikaton dili a Cristiano, balet manggagaway inmoralidad, maagom, manangigalang ed saray talintaoy diriyos, managpabaing, buanges, odino matakew. Ag kayo anggan mirorongod satan a klasiy too.

Mateo 13:22

Saramay ilik a dinmapod kasabitan aliling day salitay Dios a dedengelen na totoo, balet kabebekta dederalen na saray kapagaan na panagbilay tan say inkaagum ed kayamanan, kanyan ag ira mambunga.

Oseas 4:11

Say Katawan kuanto, “Eekalen na daan tan say balon alak so kalakal na saray totook!

Isaias 28:7

Abuek iray pati propita tan saray papari, kanyan mandongilngil ira. Mapalaloy karakel na nainom dan alak, kanyan mantumba ra tan ag da amtay gagawaen da. Akainom a maung iray propita, kanyan ag da natalusay pasingayew na Dios, tan saray papari et mapalaloy inkabuek da, kanyan aliway sintinsia ra ed saray kason niaapireng ed sikara.

Lucas 21:8

Inkuanen Jesus, “Manalwar kayo tan ag kayo palilingo ed siopaman! Ta amayamay iray onsabi tan ikana ray ngaran ko ya ikuanda, ‘Siak so Cristo!’ tan ‘Sinmabi lay panaon!’ Balet ag yo ra totombuken.

FILIPOS 4:6

Ag yo pampapagaay antokaman a bengatla. Kerew yo ingen ed Dios iray amin a nakaukolan yo diad panamegley na pikakasin tinekepay pisasalamat.

Lucas 17:3

Kanyan manalwar kayo! “No mankasalanay agim, pampasnukan mo; no mampatauli, pirdonam.

Lucas 10:41

Inmebat so Katawan, “Sika, Marta, amayamay a bengatla so pampapagaan tan pansasakitan moy olo.

Lucas 8:14

Saramay ilik a dinmapod kasabitan aliling day totoon ondedengel, balet dederalen ira na saray gunigon, kayamanan, tan minumundon likeliket na panagbilay, kanyan ag ontatakken iray bunga ra.

Marcos 13:9

“Manalwar kayo! Ta erelen da kayo tan akusaen da kayo ed korti. Leweten da kayo ed saray sinagoga; iyarap da kayo ed saray manoley tan arari nisesengeg ed siak, pian napaneknekan yod sikara so Maung a Balita.

Probirbio 21:4

Say panagpaatagey tan say ag pangitaltalek so manooley ed saray totoon maoges; saya et kasalanan.

Saray Hebreo 12:15

Manalwar kayo, ta ompan walad sikayoy benegan toy baleg a panangaro na Dios. Manalwar kayo, ta ompan walad sikayoy magmaliw a singa ampait a tanaman ya ontubo tan mansamal ed saray amayamay.

Saray Salmo 35:8

Balet naderal iran ag da amta; naerel irad dilin patit da tan ompatey ira.

1 Samuel 25:36

Amawil lay Abigail ed kinen Nabal a diad abung to walay baleg a ponsian manepeg a para ari. Abuek la tan masayaksak so nengneng to, kanyan anggapo lay imbaga nen Abigail ed sikato anggad kabwasan.

Deuteronomio 29:19

Pampelengan yo ya anggapo diay anggan sakey ed sikayo ya onderengel ed sarayan pagagawa na Dios, a sisiaen tod sikaton dili a maung lawas so kipapasen to, anggaman a diad gaway awet na olo to et gawaen toy labay to. Pateyen kayo na satan a nagawa, sikayon amin, maung may maoges.

Levitico 10:9

“Sika tan saray lalakin anak mo et ag nepeg ya onloob ed Tuldan Ayaman ko kayari yon oninom na alak odino arum nin mabayanin inomen, ta no gawaen yo ya, ompatey kayo. Sikato ya so sakey a ganggan a nepeg a sumpalen na amin a kabyangay boleg mo.

2 Pedro 3:10

Balet onsabin singa sakey a matakew so Agew na Katawan. Diad satan ya Agew, naandipat iray katawenan a katekep na makmaknul ya ungol. Napoolan tan natonaw iray bitewen, say agew, tan say bulan; naandipat so mundo, pati amin a logan to.

Genesis 19:32

Bueken tay ama ta, akdulan ta, pian mananak ita.”

Probirbio 23:20

Arawian moy olupan da ray buanges odino saray masisiba.

Ecclesiastes 9:12

Say sakey a too ag to kabat no kapigan so isabi na oras to. Saray totoo napatitan ira no panaon na maoges ya ag da iilaluan, tan singa ra saray manok a biglan narel ed patit, odino saray sira a narel ed iket.

Lucas 21:35

tan ag kayo akaparaan. Ta diad sayan Agew onsabid amin a katoowad intiron mundo ya ag da naamamtaan.

Genesis 19:35

Kanyan diad saman a labi, binwek da lamet si ama ra, tan inakdulan na samay yogtan; balet diad inkabwek ton maung ag to amtay agawa.

Genesis 27:14

Linma sirin ya angalad saray kanding tan inyakar tod kinen ina to; insan nanlutoy ina to na potahin labalabay a siraen nen ama to.