Lucas 21:17 - Maung A Balita Biblia

¹⁷ Bosulen kayoy amin a katoowan lapud siak,

Maung a Balita Biblia

¹⁷ Bosulen kayoy amin a katoowan lapud siak,

Lucas 21:17 Referans Kwoze

Juan 15:19

No kayaryan kayoy sankamundoan, aroen kayoy sankamundoan lapud kayaryan to kayo. Balet natan aliwa kayon kayaryay sankamundoan, no ag ta pinili ta kayon nanlapud sankamundoan, kanyan bobosulen kayoy sankamundoan.

Lucas 6:22

“Maliket kayo no bosul-bosulen, ipolpolisay, pabpabaingan, tan pagpaogesen da kayo, lapud Anak na Too!

2 CORINTO 12:10

Kanyan no say makasengeg et si Cristo andi balin makapoy ak, napabaingan, napaermen, napasegsegang, tan napairap ak. Ta no kapigan a makapoy ak, diman ak mabiskeg.

Juan 15:21

Balet gawaen da yan amin ed sikayo lapud siak, ta ag da kabat so angibakid siak.

Puyan 2:3

Amtak met a maanos ka, nanirap kan maung lapud siak, tan ag kinmapoy so linawam.

FILIPOS 1:29

Ta naitdan kayoy pankanawnawan manlingkur ed Cristo, aliwa labat a diad panisia yod sikato, no ag dia met ed panirap yo para sikato.

2 CORINTO 4:11

Lawas maatap so bilay mi lapud kinen Jesus, pian say bilay to et nanengneng ed laman min ompatey.

Juan 17:14

Inter kod sikaray salitam, et binosul iray sankamundoan ta ag ira kayaryan na sankamundoan, a singa siak ya ag kayaryan na sankamundoan.

Marcos 13:13

Bosulen kayoy amin a katoowan lapud siak. Balet nilaban so toon mansiansia ya anggad kasamputan.”

Mateo 24:9

“Erelen da kayon pairapen, insan da kayo ni pateyen. Bosulen kayoy amin a totoo lapud siak.

Mateo 10:22

Lapud itotombuk yod siak, bosulen kayoy amin a totoo. Balet nilaban so toon mansiansian anggad kasamputan.

1 Pedro 4:14

Manliket kayo no napabaingan kayo lapud itotombuk yod Cristo, ta mapatnag ed satan a say mapagalang tan makapanyarin Ispiritu na Dios et manaayam ed sikayo.

Saray Gawgawa 9:16

Ipanengneng kod sikatoy amin a nepeg ton nasagmak a kairapan lapud siak.”

Juan 7:7

Ag kayo nayarin bosulen na sankamundoan balet bosulen to ak, lapud papaneknekan kon maoges iray gawa to.

Mateo 5:11

“Maliket kayo no sikayoy pabpabaingan, parpairapen, tan pagpaogesen na totoo lapud disipulo ta kayo.

2 CORINTO 4:5

Ipupulong mi a Katawan si Jesu-Cristo; ag mi ipupulong so laman min dili. Aripen yo kami lapud kinen Jesus.

Lucas 21:16

Mantraidor ed sikayoy anggan saray dilin atateng, agagi, kakanayon, tan kakaaro yo. Papatey da ni ray arum ed sikayo.

Lucas 21:18

balet anggapoy anggan sakey a naandin buek ed olo yo.