Lucas 20:38 - Maung A Balita Biblia

³⁸ Say labay to yan ibaga sikatoy Dios na saray mabilay, aliwan Dios na saray inaatey, ta diad sikato mabilay ya amin iray katoowan.”

Maung a Balita Biblia

³⁸ Say labay to yan ibaga sikatoy Dios na saray mabilay, aliwan Dios na saray inaatey, ta diad sikato mabilay ya amin iray katoowan.

Lucas 20:38 Referans Kwoze

Juan 14:19

Maganggano lan ag ak nanengneng na sankamundoan. Balet nanengneng yo ak lapud mambilay ak tan mambilay ki met.

2 CORINTO 13:4

Ta anggaman a sikatoy makapoy nen impasak ed krus, mambibilay natan lapud pakayariy Dios. Diad pikakasakey ed sikato makapoy kami met, balet diad pipiolup mid sikayo kaiba min mambibilay lapud pakayariy Dios.

2 CORINTO 6:16

O antoy piparaan na Timploy Dios ed saray talintaoy diriyos? Ta sikatayoy timplo na mabilay a Dios! Onung na ibabagay dilin Dios, “Miayam tan milimug ak ed sikara; siak so magmaliw a Dios da, tan magmaliw a totook ira.”

Puyan 22:1

Samay anghil impanengneng to met ed siak so ilog na danum na bilay. Malinew a singa kristal so danum ton manlalapud tronoy Dios tan say Kordiro,

Saray Hebreo 11:16

Balet say pampipilalekan da say magmaung a bansa—say mangatatawen a bansa. Kanyan ag imbaing na Dios a sikatoy tawagen da a Dios da, ta imparaanan to ray sakey a siudad.

Juan 6:57

Say mabilay ya Ama so angibakid siak, tan mambilay ak lapud sikato. Ontan met a siopamay mangan ed siak, mambilay lapud siak.

Mateo 22:32

‘Siak so Dios nen Abraham, Dios nen Isaac, tan Dios nen Jacob.’ Say labay to yan ibaga sikatoy Dios da ray mabilay, aliwan Dios na saray inaatey.”

Marcos 12:27

Say labay to yan ibaga et sikatoy Dios na saray mabilay, aliwan Dios na saray inaatey. Alingo kayon talaga!”

Lucas 20:39

Inkuan na pigaran iskriba, “Marakep itan ya ebat mo, Maistro!”