Lucas 20:20 - Maung A Balita Biblia

²⁰ Kanyan inalagar day pankanawnawan mangerel ed sikato. Wala ray inopaan dan totoo a mankonkonwariyan a maung iran totoo. Imbaki da ran mangerel ed kinen Jesus, diad panamegley na pantepet da, pian nipalima rad pakayari tan pakaoley na Gobirnador.

Maung a Balita Biblia

²⁰ Kanyan inalagar day pankanawnawan mangerel ed sikato. Wala ray inopaan dan totoo a mankonkonwariyan a maung iran totoo. Imbaki da ran mangerel ed kinen Jesus, diad panamegley na pantepet da, pian nipalima rad pakayari tan pakaoley na Gobirnador.

Lucas 20:20 Referans Kwoze

Lucas 11:54

ta labay dan naerel ed panagsalita to.

Mateo 27:2

Binalur day Jesus, insan da inyakar ed kinen Pilato a gobirnador.

Jeremias 11:19

Singa ak mauyuyamon kordiro a tetengtengen ed panagpateyan, tan ag ko amtad saman a mamplaplano ray maoges a bengatla. Inkukuanda, “Ibatang tayoy kiew legan a mabona-bona ni; pateyen tayo pian anggapo lay makanunot ed sikato.”

Saray Salmo 81:15

Saray mamobosul ed siak onggiwgiw irad takot diad arap ko; ag manganggay dusa ra.

2 Pedro 2:3

Lapud inkaagom da, siliban day kayamanan yo diad panamegley na saray tila-tilan salita. Abayag lan akaparaay dusa ra, tan ag naogip so Mananeral ed sikara!

Lucas 20:26

Diad arap na totoo, ag dan balut naerel si Jesus ed panagsalita to. Mankelaw irad ebat to, kanyan ag la ra inmesel.

Marcos 3:2

Wala ra met dimay totoon labay dan akusaen si Jesus, kanyan siniiim da no mantambal kasi ed Agew na Panagpainawa.

Jeremias 20:10

Narerengel koy paneesaesan na saray karaklan, “Makapataktakot ed anggan iner a pasen! Kanyan idalem tayod saray makankanepegan!” Anggan saray kakaarok a malet aalagden day kapelag ko. “Angangko nayarin palikdoen,” kuanda; “naerel tayo sirin tan makabawi tayo.”

Jeremias 18:18

Insan inkuan na saray totoo, “Pankokomplutan tayo lay Jeremias! Wala ray paparin mangibangat ed sikatayo, saray makabat a totoon manimbawad sikatayo, tan saray propitan mangibaga na salitay Katawan. Akusaen tayo, tan tondaan tayo lay ondengel ed ibabaga to.”

Saray Salmo 66:3

Kuanyod Dios, “Makapakelkelaw iray gagawaen mo! Diad kabaleg na pakayarim, sitatakot ya ondadakmomod sika iray kalaban mo.

Saray Salmo 38:12

Saray malabay a mamatey ed siak et papatitan da ak; saray malabay a mamasakit ed siak et tataktakoten da ak a pateyen; ag ira ontotondan mankokomplut sumpad siak.

2 Samuel 14:2

Kanyan impaawit toy sakey a biin masilib a taga Tecoa. Kasabi to, inkuanen Joab ed sikato, “Mankonkuanan kan maermen; mambaliwan ka, tan ag mo sasagaysayen so buek mo. Ipanengneng mon sakey kan bii ya abayag lan maneermen.

Daniel 6:4

Lapud saya saramay duaran mangaasikaso ed saray opisyal tan saramay gobirnador et nananap iray kasalanan nen Daniel a nipaakar ed panangikurang tod impirio pian nidalem da, balet anggapoy narumog da, lapud matoor si Daniel ed kimey to tan ag to manggagaway antokaman a makapoy odino kasaolan.

Lucas 20:21

Inkuanda ra yan ispia ed kinen Jesus, “Maistro, kabat min tua ray amin ya ibabagam tan ibabangat mo. Kabat mi met ya aliwa kan manangibiig, no ag ta ibabangat mo ray totoo no antoy linawa na Dios nipaakar ed sikara.