Lucas 2:9 - Maung A Balita Biblia

⁹ Pinmayawar so sakey ya anghil ed sikara, tan say karlangay Katawan sinmindag ed kaliber-liber da. Ontan lay inkataktakot da,

Maung a Balita Biblia

⁹ Pinmayawar so sakey ya anghil ed sikara, tan say karlangay Katawan sinmindag ed kaliberliber da. Ontan lay inkataktakot da,

Lucas 2:9 Referans Kwoze

Isaias 60:1

Bangon ka, Jerusalem, tan sinag kan singa agew; Onsisinag ed sikay kagalangan na Katawan!

2 CORINTO 3:18

Natan ta nakal lay sakbung ed lupa tayo, sikatayo lan amiy mangipatnag na marlang a kagalangay Katawan. Saman met lamlamang a marlang a kagalangan a manlapud Katawan a sikatoy Ispiritu so mangoman na nengneng tayo pian magmaliw a lalon marmarlang, anggad makapipara tayod sikato.

Puyan 18:1

Kasumpal to ya, anengneng kon onleleksab a nanlapud tawen so sakey ya anghil. Balbaleg so pakayari to tan asindagay intiron mundo lapud liwawa to.

Saray Gawgawa 27:23

Ta kalabyan, nampanengneng ed siak so sakey ya anghil na Dios, say Dios ya akankien ed siak tan gagalangen ko.

1 Saray Arari 8:11

Ag ira makapawil a manggawa na saray susumpalen da, lapud pinano na kagalangan na Katawan so Timplo.

Saray Gawgawa 5:19

Balet diad saman a labi, inlokas na sakey ya anghil so puirtay prisowan, pinapaway to ra may apostol tan inkuanto,

Juan 12:41

Imbaga ya nen Isaias, lapud anengneng toy kagalangan nen Jesus tan nansalitan nipaakar ed sikato.

Lucas 24:4

Nen nagogoloy kaisipan da lapud saya, pinmayawar ed abay da so duaran lalaki a mankidyam iray kawes da.

Exodo 16:7

Diad kabwasan nanengneng yoy kagalangan na Katawan. Nadngel to ray riklamo yo a sumpad sikato—on, sumpad sikato, ta susumpalen mi labat iray bilin to.”

Puyan 20:11

Kasumpal to ya, anengneng koy baleg a tronon ampoti tan say akayorung diman. Naandipat so tawen tan dalin ed arap to, tan ag la ran balut anengneng.

Saray Hebreo 12:21

Makapataktakot a nengnengen, kanyan inkuanen Moises, “Natatakot ak a maung, tan manggiwgiw ak!”

1 Timoteo 3:16

Anggapoy makapangibori no panoy kabaleg na niamut a katwaan na rilihion tayo. Sikatoy pinmanengneng a sakey a too, pinaneknekan na Ispiritu a sayan too et maptek, tan anengneng na saray anghil. Nipulong ed nandoroman bansa, sinisia na saray katoowan, tan niatagey ed tawen.

2 CORINTO 4:6

Ta say Dios ya angibaga, “Ompaway a manlapud kabilongetan so liwawa!” et sikato lamlamang so angiwandag na liwawad saray puso mi, pian nakabatan miy kagalangay Dios a mandarlang ed lupa nen Cristo.

Saray Gawgawa 12:7

Kabebekta walay manalalagey ya anghil, tan walay silew a nanliwawad loob na prisowan. Samay anghil niyegyeg tod takeb si Pedro pian naliing, tan inkuanto, “Bangon ka! Aporam!” Apaktak a tampol ira may golunggolung ya impamalur dad saray lima nen Pedro.

Lucas 1:28

Kasabi to may anghil ed kinen Maria inkuanto, “Manggayaga ka, ta pinalaboan kay Dios! Say Katawan walad sika!”

Mateo 1:20

Balet nen nununoten to ya, pinmayawar so sakey ya anghil na Katawan ed kugip to a nankuan: “Jose, a kabyangay boleg nen David, ag ka natatakot ya ituloy mon ikasal si Maria, ta nanlapud pakayari na Ispiritu Santo so lokun to.

Ezekiel 3:23

Linma ak sirin ed patar, tan anengneng kod man so kagalangan na Katawan, a singa samay anengneng kod gilig na Ilog na Kebar. Tinmikleb ak ed dalin,

Isaias 40:5

Insan nipaamta ed satan so kagalangan na Katawan, tan nanengneng na amin a katoowan. Say Katawan a dili so angisipan ed saya.”

Isaias 35:2

Mankanta tan maneyag ed liket so kalawakan; magmaliw a marakep a singa Saray Palandey na Libano tan mataba a singa saray kaalogan na Carmelo tan Saron. Nanengneng na balang sakey a too so kagalangan na Katawan, say inkatalonggaring to tan say pakapanyari to.

Exodo 16:10

Nen mansasalitay Aaron ed amin a katoowan linmingaw ira ed kalawakan, et kabebekta pinmatnag ed lorem so kagalangan na Katawan.

Lucas 2:8

Walad saman a pasen iray pumapastol a mampupuyat, ta babantayan dad alog iray karniro ra.