Lucas 2:34 - Maung A Balita Biblia

³⁴ Binindisionan nen Simeon, tan inkuantod Maria ya ina nen Jesus, “Pinili na Dios yan ogaw a kaderalan o kilabanan na dakel a totood Israel. Sikatoy sakey a tandan manlapud Dios, balet sumpaen na amayamay a totoo,

Maung a Balita Biblia

³⁴ Binindisionan nen Simeon, tan inkuantod Maria ya ina nen Jesus, Pinili na Dios yan ogaw a kaderalan o kilabanan na dakel a totood Israel. Sikatoy sakey a tandan manlapud Dios, balet sumpaen na amayamay a totoo,

Lucas 2:34 Referans Kwoze

1 CORINTO 1:23

Balet no nipaakar ed sikami, ipupulong miy Cristo a nipasak ed krus, sakey a bangat a diad saray Judio et pakatumbaan tan diad saray Hintil et anggapoy kabaliksan.

Oseas 14:9

Talusan komun na saray makabat iray nisulat dia, tan dalepdepen dad puso ra. Maptek iray dalan na Katawan, tan pankukurangan ira na saray matonung a totoo, balet katutumbaan na saray makasalanan lapud ipopolisay da ra.

1 Pedro 4:14

Manliket kayo no napabaingan kayo lapud itotombuk yod Cristo, ta mapatnag ed satan a say mapagalang tan makapanyarin Ispiritu na Dios et manaayam ed sikayo.

Saray Hebreo 7:7

Ag napanduaruwaan a say mamindision et matalonggaring nen say bindisionan.

Saray Taga Roma 9:32

Akin ey? On a, ta inanap day pakapaandi na kasalanan dad arap na Dios diad panamegley na saray gawa, aliwan diad panamegley a pananisia. Apater irad baton pakapateran,

Saray Gawgawa 6:7

Kinmayat lan kinmayat so salitay Dios, tan diad Jerusalem dinmakel lan dinmakel iray mananisia. Amayamay iray pati paparin anisia.

Saray Gawgawa 24:5

Ta nalmoan min magolo yan too. Manangigapoy golo ed amin da ray Judio ed intiron mundo, tan sikatoy panguloy sikta na saray Nazareno.

Saray Gawgawa 17:6

Balet nen ag da ra naalmo, inggagayugoy day Jason tan pigaran agagi, insan da ra inyakar ed arap na saray manoley na siudad, tan iningal-ingal da, “Aloobay siudad tayo na totoon manggogolod inerman a laen da!

Saray Gawgawa 13:45

Balet ontan lay pangimon da ray Judio nen anengneng dan amayamay so totoo, kanyan sinasangsang day ibabaga nen Pablo tan pinapaoges da ni.

Saray Gawgawa 4:26

Saray ararid dalin et imparaan day sikaran dili, tan nantitipon iray manoley a milaban ed Katawan tan say Misias to!’

Juan 5:18

Lalon binmiskeg so getma da ray Judio a mamatey ed kinen Jesus, lapud anta sinumlang to lay Ganggan na Agew na Panagpainawa, impara to niy inkasikatod Dios diad impangibaga ton say Dios et Ama to.

Juan 3:20

Siopamay maoges iray gawa to bosulen toy silew tan ag ondagod silew, ompano napatnagan so kagagawa to.

Mateo 27:63

Inkuanda, “Nanunotan mi a nen mabilay ni man a matilan too inkuanto, ‘Onoli ak ed bilay kasumpal na taloy agew.’

Mateo 12:46

Mansasalita niy Jesus nen sinmabiy ina to tan saray agagi ton lalaki. Nanalagar irad arapay abung, ta labay dan pitongtongay Jesus.

Mateo 11:19

Sinmabiy Anak na Too, mangakan tan oniinom, balet kuanda, ‘Nengneng yo yan too! Masiba tan mainom na alak, tan kakaaro to ray sumisingil na buis tan saray makasalanan!’ Anggaman ontan, diad saray gawgawa so pakapatnagan a tua so kakabatay Dios.”

Isaias 8:18

Wadya ak, kaibak iray anak ya inter ed siak na Katawan. Say Katawan a Makapanyarin-amin a say trono to et walad toktok na Palandey na Sion, ginawa to kamin mabilay a tanda a pakapatnagan na saray totoo ed Israel.

Exodo 39:43

Inapiapiger iran ninengneng nen Moises, et anengneng ton ginawa ray amin a bengatla, onung na ingganggan na Katawan. Kanyan binindisionan nen Moises ray totoo.

Genesis 47:7

Insan inyakar nen Jose ed ari so ama to. Si Jacob initdan toy ari na bindision to.

Genesis 14:19

binindisionan to, tan inkuanto, “Say Sankatageyan a Dios ya amalsay tawen tan dalin et bindisionan to komuy Abram.

Saray Hebreo 7:1

Sayay Melkisedek ari na Salem tan pari na Sankatageyan a Dios. Nen ompapawil si Abraham, kasumpal ton akibakal a pinapatey to ray arari, inabet nen Melkisedek tan binindisionan to.

Saray Gawgawa 28:22

Anggaman ontan, labay mi kan narengel, ta kabat min anggan iner a pasen, sumpad sayan sikta so sasalitaen na saray totoo.”

1 Samuel 2:20

Insan bindisionan nen Eli si Elcana tan si asawa to, tan ikuantod Elcana, “Iyabuloy komun na Katawan a makaanak ka nid sayan bii, pian walay mangalay pasen na anak yon insaklang yod Katawan.” Kayari to ya, onsempet la ra.

Lucas 2:35

et diad ontan, ombawag iray maamut a nununoten da. Nipaakar met ed sika, singa natoruk na ispada so pusom.”