Lucas 2:16 - Maung A Balita Biblia

¹⁶ Magangganat iran linma sirin, tan nalmo ray Maria tan si Jose, tan say ogaw ya akarokul ed atotung.

Maung a Balita Biblia

¹⁶ Magangganat iran linma sirin, tan nalmo ray Maria tan si Jose, tan say ogaw ya akarokul ed atotung.

Lucas 2:16 Referans Kwoze

Lucas 19:32

Linma la ra sirin tan nalmo ran tua may asno, onung na imbaga nen Jesus.

Lucas 2:12

Say pakabirbiran yo onya: naalmo yoy sakey ya ogaw a binalkut ed lamping tan akarokul ed atotung.”

Lucas 2:7

Nananak na sakey a laki, a sikato so pangulowan ya anak to. Binalkut toy lamping imay ogaw, insan to imparokul ed sakey ya atotung, ta anggapoy pasen da ed abung a pundowan.

Lucas 22:13

Linma la ra sirin tan arumog da ra may amin ya imbaga nen Jesus ed sikara. Kanyan imparaan day Pandem na Paskua.

Lucas 1:39

Ag abayag, maganat a linmay Maria ed sakey a nipokdul a baley na Judea.

Ecclesiastes 9:10

Antokaman a gawaen mo gawam ed anggaay nayarian mo, lapud anggapo lay kimey, kanunotan, pakatalus, tan kakabatan ed pasen a kawalaan da ray inaatey a dimay laen mo.

Lucas 2:15

Kaalis da ra may anghil ya ompawil lad tawen, inkuanda ra may pumapastol ed sakey tan sakey, “Itilad Betlehem, ta nengnengen tayo yan agawa ya imbalitay Katawan ed sikatayo.”

Lucas 2:17

Nen anengneng da may ogaw, tinongtong da so imbagay anghil ed sikara nipaakar ed samay ogaw,