Lucas 2:15 - Maung A Balita Biblia

¹⁵ Kaalis da ra may anghil ya ompawil lad tawen, inkuanda ra may pumapastol ed sakey tan sakey, “Itilad Betlehem, ta nengnengen tayo yan agawa ya imbalitay Katawan ed sikatayo.”

Maung a Balita Biblia

¹⁵ Kaalis da ra may anghil ya ompawil lad tawen, inkuanda ra may pumapastol ed sakey tan sakey, Itilad Betlehem, ta nengnengen tayo yan agawa ya imbalitay Katawan ed sikatayo.

Lucas 2:15 Referans Kwoze

1 Pedro 3:22

a linmad tawen tan manyodyorung ed nikawanay Dios. Manooley diman ed saray anghil, tan saray mangatatawen a pakayari tan pakaoley.

Saray Salmo 111:2

Makapakelaw a tuloy iray gagawaey Katawan! Amin da ray makaliliket ed saraya et labay da ran natalusan.

Lucas 24:51

Nen bibindisionan to ra, tinaynan to ra tan niatagey ed tawen.

2 Saray Arari 2:11

Intuloy day pantotongtong da legan dan manaakar, insan kabebekta linmeet ed sikaray karwahin apoy a bibiraen na saray kabayon apoy, tan say alimbusabos inyakar tod tawen si Elias.

2 Saray Arari 2:1

Sinmabi lay oras na pangala na Katawan ed kinen Elias ed tawen diad panamegley na alimbusabos. Pinmikal ed Gilgal si Elias tan si Eliseo;

Exodo 3:3

“Maya,” inkuanen Moises ed sikaton dili, “Onasingger ak, ta nengnengen ko no anto yan pakelaw; ag napopoolan so kiew anta mandarlang.”

Mateo 12:42

Diad Agew na Okum onalagey so Riyna Seba tan akusaen to kayo, ta nanlapud arawdawin pasen ya ondengel labat ed kakabatan nen Solomon. Balet kuankod sikayo a wadyay lalon makapanyari nen si Solomon!”

Lucas 2:14

“Galang ed Dios ed tawen a sankatageyan, tan diad dalin kareenan ed saray totoon pakaliliketan to!”

Lucas 2:16

Magangganat iran linma sirin, tan nalmo ray Maria tan si Jose, tan say ogaw ya akarokul ed atotung.