Lucas 19:14 - Maung A Balita Biblia

¹⁴ Balet kabosul na saray dilin kabaleyan to, kanyan kasiput to, angibaki ray mangibaga, ‘Ag mi labay a manarid sikami yan too.’

Maung a Balita Biblia

¹⁴ Balet kabosul na saray dilin kabaleyan to, kanyan kasiput to, angibaki ray mangibaga, Ag mi labay a manarid sikami yan too.

Lucas 19:14 Referans Kwoze

1 Samuel 8:7

et inkuan na Katawan, “Onur mon amin so ibagay totoo ed sika. Aliwan sikay impolisay da; siak so impolisay da ya ari ra.

Juan 15:18

“No bosulen kayoy sankamundoan, nepeg yon nunoten a binosul ta ak ya inmona.

Lucas 19:27

Tan nipaakar ed saramay kalaban ko ya ag da ak labay a manarid sikara: iyakar yo ra dia tan patey yo rad arap ko!’”

Juan 1:11

Linmad dilin bansa to, balet ag inawat na saray dilin totoo to.

Zacarias 11:8

Ag ak akaanos ed saray taloran kaparak a pumapastol ya amosul ed siak, kanyan pinagit ko ra ed loob na sakey bulan.

Isaias 49:7

Say masanton Dios tan manangilaban na Israel kuanto ed bansan mapalaloy kababalaw to, a kabosul na saray bansa tan aripen na saray manoley: “Saray arari nanengneng dan nibolus ka tan onalagey ira diad pamagalang da; nanengneng met na saray prinsipi so kabolus mo tan ondakmomo ra diad pangigalang dad sika.” Nagawa ya lapud say Katawan pinili toy aripen to; say masanton Dios na Israel susumpalen to ray sipan to.

Lucas 14:32

No bilang ta ag to nayarian, mangibakiy totoo ton miariglo ed samay arin kalaban to, ambegyan arawi ni.

Lucas 19:13

Kasakbayan ton sinmiput, tinawag toy samploran katulong to, initdan to ray sansasakey a kuartan balituk tan inkuanto, ‘Ipoonan yo ya, anggad isabik!’

Lucas 19:15

“Ginawa ran ari met lamlamang, insan pinmawil. Kasabi to, impatawag to ra may katulong ya angiteran toy kuarta, ta labay ton naamtaan no pigaray tinubo na balang sakey ed sikara.

2 Samuel 23:7

Nakaukolan a mangikana kay kagawaan a balatyang odino pika; sigput a napoolan ira.