Lucas 18:37 - Maung A Balita Biblia

³⁷ “Onlalabas si Jesus a taga Nazaret,” inkuandad sikato.

Maung a Balita Biblia

³⁷ Onlalabas si Jesus a taga Nazaret, inkuandad sikato.

Lucas 18:37 Referans Kwoze

Mateo 2:23

Diad baley na Nazaret so nanayaman to. Ginawa to ya pian nasumpal so inkuan na saray propita, “Sikatoy natawag a Nazareno.”

2 CORINTO 6:2

Ta ibabaga to, “Dinengel ta ka ed manepeg a panaon, tinulongan ta ka ed agew na panangilaban.” Dengel kayo! Natan so manepeg ya oras a pangawat na panangasiy Dios! Natan so agew na kilalaban!

Saray Gawgawa 4:10

nepeg yo ya amtaen tan amin a totood Israel, a manalalagey yan tood arap yo tan nagnap so inyabig to, lapud pakayari na ngaran nen Jesu-Criston taga Nazaret. Impasak yod krus, balet say Dios pinaoli tod bilay.

Saray Gawgawa 2:22

“Sikayo ran Israelita, dengel yo yay ibagak! Si Jesus a taga Nazaret et imbaki na Dios. Pinaneknekan ya na saray milagro, saray pakelaw, tan saray tanda a ginagaway Dios diad panamegley to. Kabat yo ra ya, ta naimatunan yo ra yan amin ya agawgawa.

Juan 19:19

Insulat nen Pilato so onyan balikas: “Si Jesus a taga Nazaret, say Ari da ray Judio,” insan to impaipeket ed krus.

Juan 1:45

Nalmo nen Felipe si Nataniel tan kuantod sikato, “Arumog miy Jesus a taga Nazaret ya anak nen Jose. Sikato may toon labay ya ibaga nen Moises ed insulat tod Ganggan, tan sikato met imay labay ya ibaga da ray propita.”

Lucas 2:51

Kaiba ran pinmawil si Jesus ed Nazaret, tan matoluk ed saray atateng to. Inyatol nen ina to ra yan amin ed puso to.

Lucas 18:36

Nen nadngel to ray amayamay a totoon ondaralan, tinepet to no antoy nagagawa.

Lucas 18:38

Tinmawag na maksil, “Jesus ya Anak nen David, kasian mo ak!”