Lucas 18:34 - Maung A Balita Biblia

³⁴ Anggapoy atalusan na saray disipulo, ta niamut ed sikaray talus da ra yan imbaga nen Jesus, tan ag da amta ingey sasalitaen to.

Maung a Balita Biblia

³⁴ Anggapoy atalusan na saray disipulo, ta niamut ed sikaray talus da ra yan imbaga nen Jesus, tan ag da amta ingey sasalitaen to.

Lucas 18:34 Referans Kwoze

Lucas 9:45

Balet ag da amtay kabaliksan to ya. Niamut yad sikara, pian ag da natalusan. Antakot da met a tepeten ed kinen Jesus no antoy labay to yan ibaga.

Marcos 9:32

Ag atalusan ya na saray disipulo to, balet antakot dan osisaen ed sikato.

Juan 12:16

Nen inmona, ag ya atalusan na saray disipulo. Balet nen nitanduro lad kagalangan si Jesus, anunotan da a say Masanton Sulat ibabaga to yan nipaakar ed sikato, tan ginawa ra yan para sikato.

Juan 10:6

Sinalita nen Jesus yan alimbawad sikara, balet ag da atalusay labay ton ibaga.

Lucas 24:45

Insan nilokasan toy muling da, pian natalusan day Masanton Sulat.

Lucas 24:25

Inkuanen Jesus ed sikara, “Agaylay kakulangay panagnunot yo! Akin sirin et mairap kayon manisia ed amin ya imbaga da ray propita?

Lucas 2:50

Balet ag da atalusan yan imbaga tod sikara.

Lucas 18:33

Lewet-leweten da, insan da pateyen, balet onolid bilay diad kumatlon agew.”