Lucas 18:30 - Maung A Balita Biblia

³⁰ lalon dakerakel so naawat tod sayan bilay tan, diad panaon ya onsabi, say bilay ya andi-anggaan.”

Maung a Balita Biblia

³⁰ lalon dakerakel so naawat tod sayan bilay tan, diad panaon ya onsabi, say bilay ya andi-anggaan.

Lucas 18:30 Referans Kwoze

Say Libro nen Job 42:10

Insan kayari nen Job ya impikasid Katawan ira may taloran kakaaro to, pinaaligwas lamet na Katawan; initdan toy mamiduan karakel na samay kayaryan to nen saman.

Puyan 2:17

“Sikayo ran walay layag, dengel yoy ibabagay Ispiritu ed saray iglisia! “Saray manalo itdan ko ray akaamut a mana. Itdan ko met so balang sakey ed sikara na ampotin bato a nisulat so sakey a balon ngaran, ya anggapoy makaamta no ag say mangawat labat.

Mateo 12:32

Napirdona so toon manlabir na bengatlan sumpad Anak na Too; balet ag napirdona so toon manlabir na bengatlan sumpad Ispiritu Santo, natan o diad arapen a panaon.”

1 Timoteo 6:6

Baleg a kayamanan so niiter na rilihion ed sakey a too ya amta toy mamasarag na antokaman a walad sikato.

1 Timoteo 4:8

Walay kaabigan ya iiter na pangipasal na laman. Balet say pangipasal ed masanton panagbilay et lalon maabig so iter to, ta isipan toy bilay a para natan tan diad arapen.

Saray Salmo 119:162

Agaylay liket ko lapud saray sipan mo, a singa toon akalmoy baleg a kayamanan.

Saray Salmo 119:127

Inarok iray ganggan mo nen say balituk, anggan say sankaabigan lan balituk.

Saray Salmo 119:111

Andi-anggaan a tawir ko iray ganggan mo; sikaray liket na pusok.

Saray Salmo 119:103

Diad pakataway ko masamsamit iray bilibilin mo; masamsamit ira nen say dilo!

Saray Salmo 119:72

Say ganggan ya inter mo et mablid siak, nen say nilibo a balituk tan pilak.

Saray Salmo 37:16

Say daiset a kayaryay toon matonung et maung ni nen say kayamanan na amin da ray totoon maoges,

Puyan 3:21

Saray manalo pairungen ko ran kaabay kod tronok, a singa siak ya analo, kanyan akayorung ak natan ed abay na Amak ed trono to.

Puyan 2:10

Ag mo tatakotan iray kairapan ya asingger mo lan sakbaten. Dengel ka! Diad panubok na Diablo, paipriso toy pigarad sikayo; nairapan kayon samploy agew. Mansiansia kan matoor ed siak ya anggad patey, et iter kod sikay korona na bilay.

Mateo 4:24

Kinmayat ed intiron Siria so balitan nipaakar ed kinen Jesus, kanyan inaawit dad sikaton amin iray mansasakit tan amin iray manlilikna na kairapan: saray totoon inaponay dimonyo, saray dumurulot, tan saray paralitiko. Pinapaabig nen Jesus iran amin.