Lucas 18:24 - Maung A Balita Biblia

²⁴ Anengneng nen Jesus a maerermen imay too, kanyan inkuanto, “Mairap a tuloy ya onloob ed Panariay Dios iray mamayaman!

Maung a Balita Biblia

²⁴ Anengneng nen Jesus a maerermen imay too, kanyan inkuanto, Mairap a tuloy ya onloob ed Panariay Dios iray mamayaman!

Lucas 18:24 Referans Kwoze

Probirbio 30:9

Ta no daakan so kakanen ko, ompan ibagak ya ag ta ka nakaukolan. Balet no mairap so bilay ko, ompan mantakew ak, et nipelag kod kababaingan so Dios ko.

Probirbio 11:28

Saray totoon manmamatalek ed kayamanan da et nalemay ira a singa nalnes a tanaman, balet saray totoon matonung onaligwas ira a singa mabonabonan tanaman.

Saray Salmo 10:3

Say toon maoges ipapanta toy maoges iran pilalek to; say toon maagom aayewen tan ipopolisay toy Katawan.

Marcos 6:26

Naermenan a maung so ari, balet ag to nayarian a pabaingan imay marikit lapud walay samban ag to nabenegan ed arap na saray sangkaili to.

Jeremias 5:5

Onla ak ed saray totoon walad pakaoley tan misalita ak ed sikara. Andi-saew ya amta ra no anto so linawa na Dios da, amta ra so ganggan na Katawan.” Balet amin da impolisay da so pakaoley na Katawan; ag da labay so ontoluk ed sikato.

Jeremias 2:31

Dengel kayod ibagak, amin yon totood Israel. Nagmaliw ak ta a singa kalawakan ed sikayo odino singa dalin ya ambilonget tan walay kaatapan? Akin sirin, totook, et ibabaga yon gawaen yoy labay yo, tan ag kayo la ompawil ed siak?

Probirbio 18:11

Abaloan na saray mayaman a say kayamanan da so mangyaagel ed sikara, a singa say atagey tan mabiskeg a padir ya akaliber ed siudad.

Lucas 18:23

Kadngel tod saya, naermenan a maung lapud agaylay inkayaman to.