Lucas 17:21 - Maung A Balita Biblia

²¹ Anggapoy mangibagay ‘Wadya la!’ o ‘Wadman la!’; ta walad sikayoy Panarian na Dios.”

Maung a Balita Biblia

²¹ Anggapoy mangibagay Wadya la! o Wadman la!; ta walad sikayoy Panarian na Dios.

Lucas 17:21 Referans Kwoze

Mateo 12:28

Say Ispiritu na Dios so mangiiter ed siak na pakayarin mamaekal ed saray dimonyo, tan sikato yay mamapaneknek a sinmabi lad sikayoy Panariay Dios.

Saray Taga Roma 14:17

Ta say Panarian na Dios aliwan nipaakar ed panangan tan panaginom, no ag ingen nipaakar ed katonungan, kareenan, tan liket ya iter na Ispiritu Santo.

Marcos 13:21

“Kanyan ag kayo manigsisia no walay mangikuan ed sikayo, ‘Wadyay Cristo!’ odino, ‘Wadmay Cristo!’

COLOSAS 1:27

Nilabay na Dios ya ipaamtad saray totoo to yan mayaman tan makapakelaw a niamut a katwaan para amin a katoowan. Say niamut a katwaan saya: walad sikayoy Cristo a kawalaay ilalo yon makapinabang ed kagalangay Dios.

Lucas 21:8

Inkuanen Jesus, “Manalwar kayo tan ag kayo palilingo ed siopaman! Ta amayamay iray onsabi tan ikana ray ngaran ko ya ikuanda, ‘Siak so Cristo!’ tan ‘Sinmabi lay panaon!’ Balet ag yo ra totombuken.

Lucas 17:23

Wala ray mangibagad sikayo, ‘Nengneng yod man!’ o ‘Nengneng yo dia!’ Balet ag kayo oonla, ag kayo ontotombuk.

Juan 1:26

Inmebat si Juan, “Bibinyagan ta kayo ed danum, balet wadtan ed pegley yoy ag yo kabat.

Juan 18:36

Inmebat si Jesus, “Aliwan diad sayan mundo so kawalaay panarian ko. No diad sayan mundo so kawalaay panarian ko, akilaban ira komuy totook, pian ag ak nipalimad saray Judio. Balet, aliwan diad sayan mundo so kawalaay panarian ko!”