Lucas 16:3 - Maung A Balita Biblia

³ ‘Anto kasiy gawaen ko?’ inkuantod kanunotan to may inkargado. ‘Ekalen ak lay amok ed trabaho, et ag nayariay laman koy mankotkot na dalin tan ambaing ak a mipayabol.

Maung a Balita Biblia

³ Anto kasiy gawaen ko? inkuantod kanunotan to may inkargado. Ekalen ak lay amok ed trabaho, et ag nayariay laman koy mankotkot na dalin tan ambaing ak a mipayabol.

Lucas 16:3 Referans Kwoze

2 TESALONICA 3:11

Asalita mi ya ta nadngelan min wala rad sikayoy mambibilay a mangingiras, ya anggapoy gagawaen da no ag say mibabalid bilay na arum a totoo.

Saray Gawgawa 3:2

Diad “Marakep a Puirta,” walay sakey a lakin nianak a lopuy. Iyaakar dad man ya inagew-agew a mipayabol ed saray totoon onloloob ed Timplo.

Juan 9:8

Saray kaabay to tan saray makapikabat ed sikaton mipapayabol nen saman kuanda, “Ag ta sikato ya may toon gendat a yorung-yorung a mipapayabol?”

Lucas 18:4

Abayag ya ag asasikasoey huis, balet diad kaonuran inkuanto lamlamang ed sikaton dili, ‘Anggaman ya ag ko tatakotay Dios odino gagalangen so too,

Lucas 16:22

Inatey si Lazaro, tan inawit ed tawen na saray anghil, diad diking nen Abraham. Inatey met imay mayaman, tan nipompon.

Lucas 16:20

Wala met so sakey a mairap-bilay a manngaray Lazaro. Agiri-giriy intiron laman nen Lazaro, tan wadmad puirtay solar to may mayaman,

Lucas 12:17

Nannunot tan inkuantod sikaton dili, ‘Anto kasiy gawaen ko, et anggapo lay napanginan koy naanik?

Marcos 10:46

Sinmabiy Jesus ed Jerico a kaiba to ray disipulo to tan saray amayamay a totoo. Nen ontataynan la rad man, walay sakey a toon bulag a manngaray Bartimeo ya anak nen Timeo. Manyodyorung ed gilig na dalan a mipapayabol.

Oseas 9:5

Et antoy gawaen da no onsabiy panaon a nigetar a pansilibrad saray pista a pamagalang ed Katawan?

Jeremias 5:31

saray propita tilan amin so sasalitaen da; saray papari manooley ira diad panangiganggan na saray propita, et onya so labay da ray totook a nagawa. Balet antoy gawaen da no mangangga la yan amin?”

Isaias 10:3

Antoy gawaen yo no dusaen kayo na Dios? Antoy gawaen yo no iyakar tod sikayoy deral a manlapud arawin bansa? Iner so batikan yon kereway tulong? Iner so pangyamutan yo na saray kayamanan yo?

Probirbio 29:21

No iter moy amin a labay na aripen mo manlapud ogaw ni, onsabiy agew a panoleyan toy amin a kayaryan mo.

Probirbio 20:4

Say mangiras a dumaralus ya ag mambaka no panaon na panagtanem anggapoy anien to no panaoy panagani.

Probirbio 19:15

Sigi labat, manggiras ka; ogip ka labat, balet naerasan ka.

Probirbio 18:9

Say toon mangiras kapinsay toon managderal.

Probirbio 15:19

No mangiras ka kairapay nasagmak mo ed anggan iner, balet no matwa ka, anggapoy onsabid sikan gunigon.

Probirbio 13:4

Say toon mangiras ag to nagamuray pampipilalekan to, balet say makoli nagamuran toy amin a labay to.

Ester 6:6

Linmoob sirin si Haman, et inkuan na ari ed sikato, “Walay toon labay kon pagalangan. Antoy nepeg a gawaen kon para sayan too?” Ninunot nen Haman ed sikaton dili, “Siopa niy toon labay na ari a pagalangan no ag say siak?”

Saray Gawgawa 9:6

Alagey ka tan loob kad siudad, ta diman nibagay nepeg mon gawaen.”

Mateo 20:8

“Nen onsisironget la, samay akankaubasan tinawag toy inkargado to tan inkuanto, ‘Tawag mo la ra may mankikimey tan iter moy upa ra. Igapom ed saray onur a nankimey ya anggad saray onaan.’

Lucas 16:2

kanyan impatawag to. ‘Anto tay narerengelan kon nipaakar ed sika?’ inkuanto. ‘Mikuintaan ka lad siak, tan iter mo lan amiy listaan na impiak ed sikan kayaryan ko, ta ekalen ta ka lan inkargadok.’

Lucas 16:4

A, amtak lay gawaen ko, pian no anggapo lay trabahok et wala ray kakaarok a manangkailid siak ed abung da.’