Lucas 15:23 - Maung A Balita Biblia

²³ Patey yo may pinataban kilaw a baka, ta mangan tan manliket itayo!

Maung a Balita Biblia

²³ Patey yo may pinataban kilaw a baka, ta mangan tan manliket itayo!

Lucas 15:23 Referans Kwoze

Isaias 25:6

Diad Palandey na Sion say Katawan a Makapanyarin-amin et mangiparaan na baleg a ponsia a para saray bansa ed intiron mundo—sakey a ponsian sankananaman iray kakanen tan sankaabigan iray alak ya isaklang.

Saray Salmo 63:5

Mampista so kamarerwak et napenek, tan ikantak iray magayagan kanta a pangidayew kod sika.

Probirbio 9:2

Amatas na ayep a para pista, nilaokan toy rikado so alak, insan to insaklang so lamisaan.

Genesis 18:7

Insan batik ed poluk na baka, tan angalay sakey a mataban kilaw, insan inter tod sakey ya aripen a nangganat ya angiparaan.

1 Samuel 28:24

Pinatey a tampol na samay bii so pinataba ton kilaw a baka. Insan angalay arina, kinames to, tan nanggaway tinapay ya anggapoy libadura.

Probirbio 15:17

Magmaung niy mangan na pising a karongom iray totoon inarom, nen say mangan na sankamaungan a karni a walay bosulan.

Lucas 15:22

Balet tinawag nen ama ray katulong to tan inkuanto, ‘Ganatan yo! Awit yo diay sankarakepan a kawes tan isolung yod sikato. Solungan yoy singsing tan itdan yoy sandalya.

Lucas 15:24

Ta inatey yan anak ko, balet mabilay la; abalang, balet nalmo la.’ Ginmapo sirin so panliliket da.