Lucas 15:20 - Maung A Balita Biblia

²⁰ Inmalagey sirin, ta onla lan ompawil ed kinen ama to. “Arawi nid abung nen anengneng nen ama to. Atenyeg so puso nen ama to, kanyan inabet ton mambabtik, nilakap toy anak to, tan inanguban to.

Maung a Balita Biblia

²⁰ Inmalagey sirin, ta onla lan ompawil ed kinen ama to. Arawi nid abung nen anengneng nen ama to. Atenyeg so puso nen ama to, kanyan inabet ton mambabtik, nilakap toy anak to, tan inanguban to.

Lucas 15:20 Referans Kwoze

Saray Salmo 86:5

Katawan, maung tan manamirdona ka, napno kay ag mangoman a panangaro ed amin da ray mampipikasid sika.

Saray Salmo 86:15

Balet sika, Katawan, mapangasi tan maaro kan Dios, maanos ka, maabagey tan matoor ka lawas.

TAGA-EFESO 2:13

Balet natan, lapud pikakasakey yod Cristo Jesus, sikayo ran gendat ya arawi, niasingger kayo la diad panamegley na dala to.

Isaias 49:15

Kanyan say Katawan oneebat, “Nalingwanan ta na ina so mansususon anak to tan ag to aroen so ogaw ya inyanak to? Anggan nalingwanan na ina so anak to, siak ag ta kayon balut nalingwanan.

Genesis 33:4

Balet binatik nen Esau ya inabet, nilakap to, insan to inanguban. Manakis iran dua.

TAGA-EFESO 2:17

Linma diay Cristo tan impulong toy Maung a Balitan mangiiter na kareenan ed amin a katoowan—diad sikayo ran Hintil ya arawid Dios, tan diad saray Judio, ya asingger ed Dios.

Jeremias 31:20

“Israel, sikay pinablik ya anak, say anak kon inararo. Kapag bitlaen koy ngaran mo, nununoten ta ka a katekep na panangaro. Milmilay linawak ed sika; andi-duaruwan kasian ta ka.

Isaias 57:18

“Anengneng koy ginagawa ra, balet paabigen ko ra. Iwanwan ko ra tan tulongan ko ra, ta ligliwaen ko ray maermen.

Genesis 46:29

linmogan si Jose ed karwahi to, insan linmad Gosen a mangabet ed kinen ama to. Kaasingger to, nilakap to, tan abayag a nanakis.

Genesis 45:14

Nilakap toy Benjamin ya agi to tan nilakap met nen Benjamin, insan ira manakis a dua.

Saray Gawgawa 20:37

Manakakis iran amin a linmalakap tan inmaangub ed kinen Pablo.

Saray Gawgawa 2:39

Ta insipay Dios yad sikayo tan saray anak yo, tan diad saray amin a walad arawi—amin a tatawagen na Dios a Katawan tayo.”

Oseas 11:8

“Panon toy isawak ed sika, Israel? Panoy pangikaindan kod sika? Nayarian ta ka kasin deralen a singa ginawak ed Adma, tan Zeboim? Ag iyabuloy na pusok a gawaen ko ya! Lalon onlalaknab so panangarok ed sika.

2 Samuel 14:33

Kanyan linmay Joab ed kinen ari tan imbaga toy sinalita nen Absalom. Impatawag na ari si Absalom; dinmagoy Absalom tan dinmakmomo ya anggad dalin diad arap na ari. Inawat na ari si Absalom tan inanguban to.

Lucas 15:19

Ibagak nin ag ak la manepeg a tawagen day anak, tan kerewen ko ya anggan ibilang da ak lan sakey ed saray katulong da.’

Lucas 15:21

‘Ama,’ kuanen anak, ‘nankasalanan ak ed Dios tan diad sikayo. Ag ak la manepeg a tawagen yon anak yo.’