Lucas 14:13 - Maung A Balita Biblia

¹³ Ingen, no mamponsia ka, imbitaan mo ray mairap-bilay, saray lopuy, saray piley, tan saray bulag.

Maung a Balita Biblia

¹³ Ingen, no mamponsia ka, imbitaan mo ray mairap-bilay, saray lopuy, saray piley, tan saray bulag.

Lucas 14:13 Referans Kwoze

Lucas 14:21

Pinmawil imay aripen tan imbaga to ra yan amin ed kinen amo to. Agaylay pasnuk to, tan inkuantod samay aripen to, ‘Lakad saray kalsada tan saray daladalan diad baley, tan itagar mo ra diay mairap-bilay, saray lopuy, saray bulag, tan saray piley!’

Isaias 58:10

no itdan yoy nakan iray narasan tan iter yoy nakaukolan da ray walad pankaukolan, magmaliw a singa liwawad kaagwan so bilonget ed liber-liber yo.

Probirbio 14:31

No pairapen mo ray totoon mairap-bilay, papabaingan mo so Dios ya amalsad sikara; balet say pangasid mairap-bilay et sakey a panangigalang ed Dios.

Isaias 58:7

Itdan yo na kakanen iray narasan tan parawes yod kaabungan yo ray mairap-bilay ya anggapoy abung. Itdan yo na kawes iray anggapoy nipales, tan ag yo papaliisay pakatulong yod saray kakanayon yo.

Saray Hebreo 13:2

Ag yo lilingwanay mamatuloy na saray sangkaili ed abung yo. Wala ray nanggawa ya, et ag da amtan saray anghil so pinatuloy da.

Nehemias 8:10

Sempet ki la ta mampista kayo. Iyapag yod saray kulang so paraan iray kakanen tan alak yo. Masanto yan agew ed Katawan tayo, kanyan ag kayo maneermen. Pabiskegen kayo na liket ya iter ed sikayo na Katawan.”

Mateo 22:10

Linma sirin iray aripen ed saray dalan tan inimbitaan da ray amin a totoon nalmo ra, maoges man o maung ira. Diad karakel na totoo, napnoy pasen a pamponsiaan.

Deuteronomio 16:14

Manliket kayo a pati saray anak yo, saray aripen yo, tan saray Levita, saray sangkaili, saray olila, tan saray balon bibii a manaayam ed saray baley yo.

1 Timoteo 5:10

kabkabat na karaklan a maung so ginagawa to, pinabaleg to ray anak to ed masimpit a panagbilay, sinasangkaili to ray anggan ag to kabat, nampaabeba diad impanlingkur tod kapara ton Cristiano, tinmutulong ed saray walad kairapan, tan insaklang toy bilay tod panggaway amin a kamaungan.

Deuteronomio 16:11

Manliket kayo ed arap na Katawan a pati saray anak yo, saray aripen yo, tan saray Levita, saray sangkaili, saray olila, tan saray balon bibii a manaayam ed saray baley yo. Gawa yo yad samay pasen a panangigalangan.

Deuteronomio 14:29

Para saray Levita yan kakanen, bangta anggapoy kayaryan dan dili; ontan met, sayan kakanen et para saray sangkaili, saray olila, tan saray balo a manaayam irad saray baley yo. Nepeg ya ondago ran mangalay nakaukolan da. Gawa yoy onya, et say Katawan a Dios yo bindisionan to kayo ed amin a gawaen yo.

1 Timoteo 3:2

Say panguloy iglisia, sirin, nakaukolan a toon anggapoy pakabalawan, saksakey so asawa to, maadya, makabat, masimpit, amta toy manangkaili, tan nayarian toy mambangat.

Say Libro nen Job 29:13

Indadayew ak na saray sankapangaskasiyay kipapasen, tan pinaligen koy bilay da ray bibiin balo.

Nehemias 8:12

Kanyan sinmempet lad abung iray amin a totoo. Maliket iran nanaakan tan naniinom; iniitdan da ray kulang so paraan, lapud atalusan da ray imbasad sikara.

2 Saray Awaran 30:24

Angiter si Ari Ezekias na sanlibon bakan kalakyan tan piton libon karniro ed saray totoo ta pateyen tan kanen da; angiter met ed sikara iray opisyal na sanlibon bakan kalakyan tan samplon libon karniro. Amayamay iray paparin nanlinis na sikaran dili onung ed ganggan.

2 Samuel 6:19

tan binunogan to ran amin na kakanen. Initdan toy balang sakey a laki tan balang sakey a bii ed Israel na sakey a tinapay, sakey a tegteg ya inkalut a karni, tan pigaran pasas. Insan sinmempet lay balang sakey.

Tito 1:8

Nepeg ya amta toy manangkaili, maarod bengatlan maung, matonung, masanto, tan maadya.

Filemon 1:7

Pinablin agi, aliketan tan aligliwa ak a maung lapud panangarom, ta apabiskeg moy linawa na amin da ray totooy Dios.

Saray Gawgawa 9:39

Akilan tuay Pedro ed sikara. Kasabi to, inyakar dad samay kuarto ed tagey. Saray balon bibiin mannangnangis, minokut day Pedro, tan impapanengneng dad sikato ray kolibemben tan, kawekawes a ginagawa nen Dorcas nen mabilay ni.

Lucas 11:41

Iter yod saray mairap-bilay so walad saray tasa tan plato yo, et nalinisan onung ed ganggan para sikayo ray amin a bengatla.

Probirbio 22:9

Nabindisionan ka no mabonluk so panangiter mo tan inagnag mod saray mairap-bilay so kakanen mo.

Mateo 15:30

Sinmabiy dakerakel a totoon awit da ray piley, bulag, lopuy, emel tan amayamay ni ran arum a mansasakit. Inyan da rad arap nen Jesus, tan pinapaabig to ra.

Lucas 14:12

Insan kuanen Jesus ed samay angimbitad sikato, “No mamponsia ka, ag mo ra iimbitaay kakaarom, agagim, kakanayon mo, o saray mamayaman a kakaabay mo, ta ag la pigan imbitaan da ka met. Diad ontan, nabalesay ginawam.

Lucas 14:14

Nabindisionan ka, ta ag ira makabales ed sika. Say Dios so mangiter na tumang mo, no onolid bilay iray matonung a totoo.”