Lucas 12:47 - Maung A Balita Biblia

⁴⁷ “Say aripen ya amta toy labay a pagaway amo to et ag to paraanan a gawaen, nasiplatay dakel.

Maung a Balita Biblia

⁴⁷ Say aripen ya amta toy labay a pagaway amo to et ag to paraanan a gawaen, nasiplatay dakel.

Lucas 12:47 Referans Kwoze

Santiago 4:17

Siopamay makaamtay maung a nepeg ton gawaen, balet et ag to gawaen, sikatoy mankasalanan.

Juan 9:41

Inmebat si Jesus, “No bulag kayo, anggapo komuy kasalanan yo. Balet ibabaga yon aliwa kin bulag, kanyan mansiasiansiay kasalanan yo.”

Juan 12:48

Walay mangiter na sintinsia ed siopaman a mangipolisay ed siak tan ag mangawat ed saray salitak. Say salitan impulong ko so manintinsiad sikato diad kaonuran ya agew.

Saray Gawgawa 17:30

Pinaolyay Dios iray panaon na anggapoy pikakabat na saray totoo ed sikato, balet natan igaganggan to ran amin diad inerman a pasen a mampatauli la ra.

Juan 19:11

Inmebat si Jesus, “Wala tan a pakaoley mod siak, ta inter na Dios ed sika. Kanyan lalon ambelat niy kasalanan na toon angipalimad siak ed sika.”

Ezekiel 9:6

Patey yo ray matakken, malangwer a lalaki tan bibii, saray ina, tan saray anak. Balet ag yo didiwiten so siopaman a walay marka to ed muling. Igapo yo diad Timplok.” Kanyan inggapo rad saray pangulon manalalagey diman ed Timplo.

Lucas 12:41

Tinepet nen Pedro, “Katawan, sikami labat o amin a totoo so pangibabagaan mod sayan alimbawa?”

Lucas 12:46

Insan onsempet so amo to ed agew ya ag to ilaloan tan diad oras ya ag to amta. Dusaen na amo to tan ipila tod kawalaan da ray aliwan mananisia.