Lucas 12:20 - Maung A Balita Biblia

²⁰ Balet inkuay Dios ed sikato, ‘Kulang so kalakal mo! Diad sayan labi, ompatey ka. Siopa natay manawir ed saratay imparaan mon para sika?’”

Maung a Balita Biblia

²⁰ Balet inkuay Dios ed sikato, Kulang so kalakal mo! Diad sayan labi, ompatey ka. Siopa natay manawir ed saratay imparaan mon para sika?

Lucas 12:20 Referans Kwoze

Jeremias 17:11

Say toon masaol ed kuarta singa manok a poposnakan to ray ag to iniknol. Diad kabisbiskegan to nabalang toy kayamanan to, tan diad kaonuran sikatoy sakey a makulang-kulang.

Say Libro nen Job 27:8

Antoy ilalo na toon anggapoy Dios to, no babawien la na Dios so bilay to?

1 Timoteo 6:7

Ta anggapoy awit tayod sayan mundo, kanyan anggapo met so naawit tayo no taynan ti la.

Saray Salmo 39:6

singa labat anino. Anggapoy kakanaan iray pansasagputan to; mantitipon na kayamanan, balet ag to amta no siopay mannanam!

Santiago 4:14

Ag yo anggan amtay kipapasey bilay yo nabwas! Say bilay singa kelpa, a wala natan balet nanagonuyan naandipat la.

1 TESALONICA 5:3

No ikuay totoo, “Mareen tan anggapoy kaatapan,” biglan onsabid sikaray kadederal. Ag ira makaliktar ta say isabi to et singa isabiy panagpasakit na biin magano lan mananak.

Lucas 11:40

Anggapoy kalakal yo! Say Dios ya amalsay paway et sikato met so amalsay loob, andi ta?

Saray Salmo 73:19

Bigla ran naderal; makapataktakot so pansumpalan da.

Nahum 1:10

Napoolan kayo a singa kapoolan na saray alokut-lokut a sabitan tan amagaan a dayami!

Probirbio 28:8

No minmayaman ka lapud alablabas a panagpaabang moy kuartam tan diad panaganamut moy pankanawnawam ed saray totoo, onla ed toon mapangasid mairap-bilay so kayamanan mo.

Probirbio 11:4

Anggapoy kakanaan so kayamanan mo no asabi lay agew na ipatey mo, balet say kaptekan nilaban toy bilay mo.

Saray Salmo 78:30

Balet nen legan dan mangakan tan kasakbayan iran napesel,

Ester 5:11

Impanta nen Haman ed saray sangkaili to so ontan lan kayamanan to, karakel na anak ton lalaki, say impangitagey na ari ed betang to, tan say kipapasen ton sankatageyan ed amin da ray opisyal na ari.

Saray Salmo 49:10

Nanenengneng na anggan siopa ya ompapatey met iray totoon makabat, saray luko-luko tan saray makulang-kulang, tan ititilak dad saray kabyangay boleg da iray kayamanan da.

Probirbio 10:2

Anggapoy kaabigan ya iter ed sika na kayaryan a nalad saolan, balet say katonungan nipaliis to kad patey.

Probirbio 13:7

Wala ray totoon mankonkonwarin mayaman, anta anggapo ra. Saray arum mankonkonwarin mairap-bilay ira, anta mayamyaman ira.

Probirbio 27:1

Ag mo ipapasirayew so nipaakar ed nabwas. Ag mo amta no nagawa ed sayan agew.

Isaias 56:12

Sarayan bueken kuanda, ‘Mangala tayoy alak tan maninom tayoy laba-labay tayo! Nabwas lalon maliket tayo, ta dakel niy alak a nainom tayo nen say natan.’”

Amos 6:13

Ipapasirayew yoy impakadakep yod baley na Lodebar. Kuanyo, “Mabiskeg kami kanyan adakep mi so Karnaim.”

1 Timoteo 6:17

Bilin mo ray mamayaman ed sayan mundo ya ag ira mapasirayew, tan ag ira manmatalek ed ag mansiansian kayamanan, no ag ingen manmatalek irad Dios a mangiiter a mabonbonluk ed sikatayo na amin a bengatlan panliketan tayo.