Lucas 12:17 - Maung A Balita Biblia

¹⁷ Nannunot tan inkuantod sikaton dili, ‘Anto kasiy gawaen ko, et anggapo lay napanginan koy naanik?

Maung a Balita Biblia

¹⁷ Nannunot tan inkuantod sikaton dili, Anto kasiy gawaen ko, et anggapo lay napanginan koy naanik?

Lucas 12:17 Referans Kwoze

Mateo 5:42

Itdan moy onkerew ed sika, tan ag mo papabaingay miutang ed sika.”

Isaias 58:7

Itdan yo na kakanen iray narasan tan parawes yod kaabungan yo ray mairap-bilay ya anggapoy abung. Itdan yo na kawes iray anggapoy nipales, tan ag yo papaliisay pakatulong yod saray kakanayon yo.

1 Juan 3:16

Onyay pakaamta tayoy kabaliksan na aro: inter nen Cristo so bilay to para sikatayo. Nepeg tayo met sirin ya iter so bilay tayo para saray agagi tayo!

Saray Taga Roma 12:13

Tulongan yo ray agagi yon walad pankaukolan, patuloy yo ray sangkaili.

Saray Gawgawa 16:30

Impaway to ra tan tinepet to, “Antoy nepeg kon gawaen, pian nilaban ak?”

Lucas 19:17

Inkuanto may amo, ‘Maabig so ginawam, maung a katulong! Lapud napampiaan kad melag iran bengatla, panoleyen ta kad samploran baley.’

Lucas 18:22

Kadngel nen Jesus ed saya inkuanto, “Wala niy sakey a kakulangan mo. Ilakom ya amin so kayaryan mo, insan mo iter ed saray mairap-bilay so panlakoan mo. Nawalaan kad satan na kayamanan ed tawen. Insan ka dia ompawil ya ontombuk ed siak.”

Lucas 16:9

Intuloy nen Jesus so pansasalita to, “Kanyan kuankod sikayo ya ikana yod pikakaaro so kayamanan na sayan mundo, ta pian anggan naoput la yan kayamanan et maliket kayon naawat ed anggan ya ayaman.

1 Timoteo 6:17

Bilin mo ray mamayaman ed sayan mundo ya ag ira mapasirayew, tan ag ira manmatalek ed ag mansiansian kayamanan, no ag ingen manmatalek irad Dios a mangiiter a mabonbonluk ed sikatayo na amin a bengatlan panliketan tayo.

Saray Gawgawa 2:37

Nen nadngel ya na saray totoo, agunigon ira, tan tinepet dad kinen Pedro tan saray arum ya apostol, “Agagi, antoy nepeg min gawaen?”

Lucas 16:3

‘Anto kasiy gawaen ko?’ inkuantod kanunotan to may inkargado. ‘Ekalen ak lay amok ed trabaho, et ag nayariay laman koy mankotkot na dalin tan ambaing ak a mipayabol.

Lucas 12:33

Ilako yo ray kayaryan yo, tan mangiter kayod saray mairap-bilay na nanlakoan yo. Manggawa kayo ray pitakan ag ondaan, tan mantipon kayo na kayamanan yo ed tawen yo, ta ag nabawasan diman, ag natakew, tan ag naderal na bokbok.

Lucas 12:29

Kanyan ag kayo mapagpaga lawas no antoy kanen tan inomen yo.

Lucas 12:22

Inkuanen Jesus ed saray disipulo to, “Sikato yay makasengeg na pangibabagaan kod sikayo ya ag kayo mapagpagad pambilay yo, no antoy kanen yo, o antoy ikawes yo.

Lucas 11:41

Iter yod saray mairap-bilay so walad saray tasa tan plato yo, et nalinisan onung ed ganggan para sikayo ray amin a bengatla.

Lucas 10:25

Walay sakey a makabat ed Ganggan ya inmalagey ta labay ton suboken si Jesus. “Maistro,” tepet to, “antoy nepeg a gawaen ko pian nagamuran koy bilay ya andi-anggaan?”

Lucas 3:11

Inmebat, “Say duaray kawes to nepeg ton iter so sakey ed anggapoy kawes to. Ontan met a say walay kanen to nepeg toy mangiter.”

Ecclesiastes 11:2

Mangipoonan kad pigaran lugar—anggan diad amayamay a lugar—ta ag mo amta no antoy onsabin maoges ed sika diad sayan mundo.

Mateo 16:7

Nantotongtongan ya na saray disipulo. Inkuanda, “Imbaga to ya, ta ag itayo nambalon na tinapay.”

Lucas 12:16

Sinalita nen Jesus ed satan so sakey ya alimbawa: “Walay sakey a mayaman a too. Dakel so naani tod dalin to.

Lucas 12:18

A, amtak lay gawaen ko! Gebaen kon amin iray kamalir ko, insan ak mamaalagey na lalon ankabaleg a panginan koy amin ya ilik ko tan saray arum a kayaryan ko.