Lucas 10:17 - Maung A Balita Biblia

¹⁷ Makakaliket a pinmawil ira may pitomplo tan duan disipulo. “Katawan,” inkuanda, “pati saray dimonyo onuren da kami no iganggan mi ran onekal diad ngaran mo.”

Maung a Balita Biblia

¹⁷ Makakaliket a pinmawil ira may pitomplo tan duan disipulo. Katawan, inkuanda, pati saray dimonyo onuren da kami no iganggan mi ran onekal diad ngaran mo.

Lucas 10:17 Referans Kwoze

Saray Taga Roma 16:20

Say Dios a panlalapway kareenan tayo et magano lan pagatin-gatinan toy Satanas ed sikayo. Talimaen kayo komun nen Jesus a Katawan tayo.

Marcos 16:17

Saray mananisia naitdan ira na saray tanda na pakayari: papawayen da ray dimonyo ed ngaran ko; mansalita ray nandoroman salita;

Lucas 9:1

Tinawag nen Jesus iray labinduan disipulo tan initdan to ray pakayari tan pakaoley a mamaekal ed saray dimonyo tan mamaabig ed saray sakisakit.

Lucas 10:1

Kasumpal to ya, nampili si Jesus na pitomplo tan duan totoo. Pinaona to ra ed saray baley tan lugar a laen to, tan impanoolup to ran sandederwa.

Lucas 10:9

paabig yo ray mansasakit, tan ikuanyod saray totood man, ‘Inmasingger lad sikayo so Panariay Dios.’

Mateo 4:24

Kinmayat ed intiron Siria so balitan nipaakar ed kinen Jesus, kanyan inaawit dad sikaton amin iray mansasakit tan amin iray manlilikna na kairapan: saray totoon inaponay dimonyo, saray dumurulot, tan saray paralitiko. Pinapaabig nen Jesus iran amin.

Lucas 10:20

Balet ag kayo manliliket lapud oonuren kayo ray maoges ya ispiritu. Manliket kayo ingen lapud nisulat ed tawen iray kangaranan yo.”

TAGA-EFESO 5:24

Kanyan no panoy itotoluk na iglisia ed Cristo, ontan met a saray bibii nepeg day ontoluk diad amin a bengatla ed saray kaasawaan da.