Lucas 10:15 - Maung A Balita Biblia

¹⁵ Tan sika, Capernaum, labay moy niatagey ya anggad tawen? Nibantak ka ni inged impirno!”

Maung a Balita Biblia

¹⁵ Tan sika, Capernaum, labay moy niatagey ya anggad tawen? Nibantak ka ni inged impirno!

Lucas 10:15 Referans Kwoze

Mateo 4:13

Balet aliwa lan diad Nazaret so nanayaman to, no ag ingen diad Capernaum. Sayan baley walad gilig na Dayat na Galilea, diad sakop na Zabulon tan Neftali.

2 Pedro 2:4

Ag pinirdonay Dios iray anghil a nankasalanan; imbantak to ra ingen ed impirno tan diman ira akolung ed ambilonget ya abut legan dan aalagdey Agew na Okum.

Lucas 13:28

Agaylad satay pannangis tan panngalatenget na ngipen yo no nanengneng yo ra di Abraham, Isaac, Jacob tan amin da ray propita a wala rad Panariay Dios et nibantak kayo balet ed paway!

Mateo 11:23

Tan sika, Capernaum, labay moy niatagey ya anggad tawen? Nibantak ka ni inged impirno! Ta no agawa komun ed Sodoma ray milagron agawad sika, wala nin anggad natay Sodoma!

Mateo 10:28

Ag yo tatakotan iray mamatey na laman ya ag da balet napatey so kamarerwa. Say Dios so takotan yo, ta nayarian ton deralen ed impirno so kamarerwa tan laman.

Obadias 1:4

Anggan ipaalagey mod atagtagey a pasen so abung mo, ya atagtagey a singa kawalaan na obung na agila, ta pian singa ka walad kawalaan da ray bitewen, igoyur ta kan siansia ed leksab.

Ezekiel 32:27

Aliwan mapagalang a tolur so impangitolur ed sikara; aliwan singa impangitolur ed saray matalonggaring a sondalo nen saman, a nen linma rad pasen a panaayaman da ray inaatey, akaarmas ira, niiyan ed silong na olo ra iray ispada ra, tan nitapew ed bangkay da iray samper da. Makapanyari ra yan matalonggaring a sondalo nen saman, kanyan tatakotan ira na saray mabilay.

Ezekiel 32:20

“Napelag iray totood Egipto, pati saray inaatey ed bakal. Akaparaan lay sakey ya ispadan mamatey ed sikaran amin.

Ezekiel 32:18

Inkuanto, “Sika a toon ompatey, ermenan mon amin iray amayamay a totood Egipto. Paonlam ed pasen a panaayaman da ray inaatey iray Egipsio pati saray arum a makapanyarin bansa.

Ezekiel 31:18

“Samay kiew et say Egipto tan amin da ray totoo to. Anggan saray kiew ed Eden ag ira ontalona ed kaatagey tan karakpan to. Balet natan, singa saray kiew ed Eden, onla may kiew ed pasen a panaayaman da ray inaatey tan mikasakey ed saray maoges tan saray inaatey ed bakal. Siak so nansalita,” kuay Katawan a Dios.

Ezekiel 26:20

Iyakar ta kad pasen a kawalaan da ray inaatey, pian makapikasakey kad saray totoon nambibilay nen saman a panaon. Panayamen ta kad man a kaibam iray andi-anggaan a deral-deral tan saray inaatey. Lapud saya ag ka lan balut natoowan tan anggapo lay pasen mon balut ed dalin da ray mabilay.

Jeremias 51:53

Anggan makasegep ed tawen so Babilonia, tan manggawad may mabiskeg a tirinsira, siansian mangibaki ak na saray totoon maneral ed sikato. Siak, say Katawan, so nansalita.”

Isaias 5:14

Narasan na bangkay da so pasen a panaayaman da ray inaatey. Isasangi ton maung so songut to. Aakmunen to ray totoon atatagey so kipapasen da, a pati saray maingal a karaklan.

Deuteronomio 1:28

Akin et onla tayod man, anta antakot itayo. Saramay imbaki tayo et kuandan mabiskeg tan atagey ni ray totood man nen say sikatayo, tan manaayam irad saray siudad ya anggad tawen iray padir da. Akanengneng irad man na saray alan!’

Genesis 11:4

Insan inkuanda, “Mangipaalagey tayoy sakey a siudad a walay tori ton toktokdulen toy tawen, pian ombantug itayo ta ag la pigan nikaykayat itayod intiron mundo.”

Lucas 16:23

Leleg ton maniirap ed Hadis imay mayaman, anengneng tod arawi si Abraham tan si Lazaro a walad diking to.