Lucas 1:69 - Maung A Balita Biblia

⁶⁹ Angibakid sikatayo na makapanyarin Manangilaban, a kabyangan boleg nen David ya aripen to.

Maung a Balita Biblia

⁶⁹ Angibakid sikatayo na makapanyarin Manangilaban, a kabyangan boleg nen David ya aripen to.

Lucas 1:69 Referans Kwoze

Saray Salmo 18:2

Say Katawan so manangilaban ko; sikatoy mabiskeg a tirinsirak. Say Dios ko so manangyagel ko; tan no kaibak anggapoy pagpagak. Sikatoy singa samper a manasanib ed siak; iyaagel to ak tan iyaarawi to ak ed kaatapan.

Ezekiel 29:21

“No nagawa la ya, pagmaliwen kon mabiskeg iray totood Israel tan sika, Ezekiel, pansalitaen ta ka a narengel na balang sakey ed sikara, pian naamtaan da a siak so Katawan.”

2 Samuel 22:3

Say Dios ko so manangyagel ko, tan no kaibak anggapoy pagpagak. Sikatoy singa samper a manasanib ed siak; iyaagel to ak tan iyaarawi to ak ed kaatapan. Sikatoy manangilaban ko; iyaagel to ak ed antokaman a maoges ya onsabid siak.

1 Samuel 2:10

Napatey iray onlalaban ed Katawan; manlapud tawen pakarulan to ra. Sintinsiaan na Katawan so intiron mundo; pabiskegen toy ari to, panaloen toy pinili ton ari.”

Saray Salmo 89:17

Iitdan mo kami na baleg a pananalo; panataloen mo kami lapud panangasim.

1 Samuel 2:1

Nampikasi si Ana: “Say Katawan pinano toy liket so pusok; agaylay liket ko lapud ginawa to. Elekan ko ray onlalaban ed siak; agaylay gayagak ta tinulongan ak na Dios.

Marcos 11:10

Bindisionan komuy Dios so onsabin panarian nen David ya ama tayo! Nagalang komuy Dios a Sankatageyan!”

Puyan 22:16

“Siak, a si Jesus, so angibakiy anghil ko a mangibawag na sarayan bengatla ed saray iglisia. Siak so nanlapu ed boleg nen David. Siak so maliwliwawan bitewen ed kabwasan.”

Amos 9:11

Say Katawan kuanto, “Onsabiy agew ya ipawil koy gendat a kipapasen na nanarian nen David, a kaparpara toy sakey ya abung ya aderal-deral ed inkageba to. Apigeren ko ray padir to tan ipaalagey kon singa gendat.

Mateo 1:1

Sikato yay listaan na saray lalaki nen Jesu-Cristo a kabyangay boleg nen David a kabyangay boleg nen Abraham.

Saray Salmo 89:3

Imbagam, “Akisipanan ak ed toon pinilik; sinambaan kod managlingkur kon David,

1 Saray Arari 11:13

Ag ko ekalen ed sikatoy intiron nanarian; ingen mangikera ak na sakey a tribu, lapud kinen aripen kon David tan lapud Jerusalem a pinilik a siudad ko.”

2 Samuel 7:26

Nitanduro ka tan lawas ikuan na saray totoo, ‘Say Katawan a Makapanyarin-amin so Dios ed intiron Israel.’ Pansiansiaen moy nanarian ko,

Jeremias 30:9

Manlingkur ira ingen ed siak, say Katawan a Dios da, tan diad kabyangay boleg nen David ya iter kon manarid sikara.