Lucas 1:48 - Maung A Balita Biblia

⁴⁸ ta anunotan to ak a magter ya aripen to! Manlapud natan, tawagen ak a maliket na amin da ray katoowan,

Maung a Balita Biblia

⁴⁸ ta anunotan to ak a magter ya aripen to! Manlapud natan, tawagen ak a maliket na amin da ray katoowan,

Lucas 1:48 Referans Kwoze

Saray Salmo 138:6

Anggaman a wala kad atagtagey a pasen, aasikasoen mo ray abebbebay kipapasen, tan ag ka niamutan na saray mapaatagey.

Malakias 3:12

Insan saray totoo ed amin a bansa tawagen da kayo a maliket, lapud magmaliw a marakep a panayaman so dalin yo.

1 Samuel 1:11

Si Ana nanggaway sipan a sinambaan to: “Katawan a Makapanyarin-amin, no imanoen mo ak ya aripen mon pangaskasiyan, no nonuten mo ak, ag mo ak lingwanan, tan itdan mo ak na anak a laki, isaklang kod sika legan a mabilay tan ag kon balut pakatlian.”

Lucas 11:27

Nen ibabaga ya nen Jesus, walay sakey a biid saramay totoon wadman a nansalita. Inkuantod kinen Jesus, “Agaylay liket na biin angyanak tan nampasusod sika!”

Saray Salmo 136:23

Ag to itayo nilingwanan nen atalo itayo; andi-anggaan so panangaro to;

Lucas 1:42

tan inkuantod maksil a bosis, “Sikay sankaliketan ed amin da ray bibii! Maliket met so ogaw ya iyanak mo!

Lucas 1:28

Kasabi to may anghil ed kinen Maria inkuanto, “Manggayaga ka, ta pinalaboan kay Dios! Say Katawan walad sika!”

Isaias 66:2

Siak a dili so amalsad sansinakuban. Maliket ak ed saray mapaabeba tan magbabawi, saray walay takot tan mangoonur ed siak.

2 Samuel 7:8

“Kanyan ibagam ed aripen kon David a siak, say Katawan a Makapanyarin-amin, kuankod sikato, ‘Inekal ta kad panagpastol moy karniro ed kaalogan, insan ta ka ginawan manoley ed saray totook ya Israel.

1 Samuel 2:8

Agwaten tod dabuk iray mairap-bilay, tan aonen tod kairapan iray pangaskasiyan. Gawaen to ran kakaiba na saray prinsipi, tan iyakar to rad saray pasen na kagalangan. Kayaryan na Katawan iray punda-sion na mundo; diad saraya so angiletnegan toy mundo.

Genesis 30:13

inkuanen Lea, “Agaylay liket ko! Saray bibii tawagen da ak a maliket”; kanyan inngaran to na Aser.

Saray Salmo 102:17

Dengelen to ray nikaindan a totoo to tan ebatan toy pikakasi ra.

Saray Salmo 72:17

Ag komun nalingwanan so ngaran na ari; mansiansia komun a singa agew so inkabantug to. Amin a bansa kerewen da komun ed Dios a bindisionan to ra a singa impamindision tod ari.

Lucas 1:45

Agaylay liket mo, ta manisia kan nasumpal so impaibagad sikay Katawan!”

Lucas 1:49

lapud saray makapakelaw a bengatlan ginaway Makapanyarin Dios ed siak. Masanto so ngaran to;