Lucas 1:3 - Maung A Balita Biblia

³ Kasumpal kon inaral a maung yan agawgawa nanlapud inggapo ra, ninunot kon maabig ya isulat ko ran maoksuy para sika.

Maung a Balita Biblia

³ Kasumpal kon inaral a maung yan agawgawa nanlapud inggapo ra, ninunot kon maabig ya isulat ko ran maoksuy para sika.

Lucas 1:3 Referans Kwoze

Saray Gawgawa 1:1

Pinablin Teofilo: Diad samay inmonan libro ya insulat ko, insalaysay koy amin a ginagawa tan imbabangat nen Jesus, nanlapud impangigapo toy kimey to

Saray Gawgawa 26:25

Inmebat si Pablo, “Aliwa ak ya ambagel, kagalgalang kon Festo! Tua tan maptek so ibabagak.

Saray Gawgawa 24:3

Bibirbiren mi yan utang na linawa mid sika tan misalsalamat kamid sika ed anggan inerman a pasen tan anggan kapigan.

Saray Gawgawa 23:26

“Nanlapud Claudio Lisias yan sulat a para sika, kagalgalang a Gobirnador Felix: awat moy pabanok.

Saray Gawgawa 11:4

Kanyan insalaysay nen Pedro ed sikaray amin ya agawa, a pinalapu tod gapo:

Saray Gawgawa 15:19

“Say kuanko, ag tayo komun gunigonen iray Hintil ya ondagod Dios.

1 CORINTO 16:12

Nipaakar met ed kinen agin Apolos: tatanggoyuren kon maung ya ompasyar ditan a kaiba to ray arum ya agagi, balet ag to nin talaga labay so onla natan ditan. Balet no wala lay pankanawnawa to, onlad tan.

1 CORINTO 7:40

Balet lalon maliket no ag la miasawan pidwa. Saya so walad kanunotan ko, et isipen kon walad siak met so Ispiritu na Dios.

Saray Salmo 50:21

Ginagawa yo ira yan amin, et anggapoy ibabagak, kanyan abaloan yon singa ak sikayo. Balet natan pamapasnukan ta kayo la, tan ipapalinew ko la yan pamaakaran ed sikayo.

Saray Gawgawa 15:28

Ta impuyan na Ispiritu Santo ed sikami ya ag mi ki la pansakbatey arum ni ran sasakbaten, likud ed sarayan onggendan a nepeg yon tombuken:

Saray Gawgawa 15:25

Kanyan nankakasakey kamin mangibakid tan na saray pinili min agagi a mangilaman ed sikami. Kaiba da ray pinabli tayon kaaro a di Bernabe tan Pablo,

Lucas 1:1

Kagalgalang kon Teofilo: Amayamay la ray nanoksuy tan nansulat na nipaakar ed saray bengatlan agawgawad pegley mi.

Ecclesiastes 12:9

Lapud makabat imay Managpulong, ag to tinondaan so nambangat ed saray totoo. Inaaral to ray probirbio, tan inapiapiger ton sinusubok so katwaan da.

Saray Salmo 40:5

Katawan a Dios mi, amayamay iray ginagawam a para sikami; anggapoy miparad sika! Amayamay iray makapakelaw a planom a para sikami. Ag kon balut nibitla ran amin— dakerakel iran tuloy!

Probirbio 22:21

tan ibangat dad sika no anto so peteg a katwaan. Diad ontan, niiter moy tuan ebat ed saray mangibakid sika.

Saray Gawgawa 18:23

Kalabas na pigay agew, inmalis la lamet. Binibisita to ray pasen a nasasakopay Galacia tan Frigia, tan pinapabiskeg toy pananisia da ray disipulo.

1 Timoteo 4:6

Magmaliw kan maung a managlingkur nen Cristo Jesus no ibangat mo ra yan bilin ed saray agagi. Legan mon ibabangat ira ya, tataganoen mo met so sikan dili na maispiritun kakanen, salanti saray salitan nipaakar ed pananisia tan say tuan bangat ya oonuren mo la.