Lucas 1:13 - Maung A Balita Biblia

¹³ Inkuanto may anghil, “Ag ka natatakot, Zacarias, ta dinengel na Dios so pikakasim! Si Elizabet ya asawam et mananak na sakey a laki. Juan so pangingaran mod sikato.

Maung a Balita Biblia

¹³ Inkuanto may anghil, Ag ka natatakot, Zacarias, ta dinengel na Dios so pikakasim! Si Elizabet ya asawam et mananak na sakey a laki. Juan so pangingaran mod sikato.

Lucas 1:13 Referans Kwoze

Saray Gawgawa 10:31

tan inkuanto, ‘Cornelio, dinengel na Dios so panagpikasim tan binirbir toy panagtulong mod kaparam a too.

1 Samuel 2:21

Binindisionan a tua na Katawan si Ana, tan akaanak ni na taloran lalaki tan duaran bibii. Binmaleg a manlilingkur ed Katawan si ogaw a Samuel.

Saray Salmo 113:9

Papagalangan tod abung, na asawan anggapoy anak; paliliketen to diad pangiter to ray anak ed sikato. Idayew yoy Katawan!

Genesis 25:21

Ag mananak si Rebeca, ta lepes, kanyan impikasi nen Isaac. Inebatan na Katawan so pikakasi to, et nanlokun si Rebeca.

Lucas 2:21

Kasabiy kumawalon agew, sinegat da may ogaw tan Jesus so impangingaran dad sikato. Saya may ngaran ya inter na anghil kasakbayan a ninginew imay ogaw.

Saray Salmo 118:21

Idadayew ta ka, Katawan, lapud dinengel mo ak, tan initdan mo ak na pananalo.

Genesis 18:14

Akin, walay mairap ed Katawan? Onung na inkuanko la, siam bulan a manlapud natan, ompawil ak dia, et wala lad satan so lakin anak nen Sara.”

Mateo 14:27

Balet tampol ya inkuantod sikara, “Pakpel yoy loob yo, ta siak ya. Ag kayo natatakot!”

Genesis 17:19

Balet inkuan na Dios, “Andi. Mananak na sakey a laki si Sara ya asawam tan ingaran mo na Isaac. Tooren ko so impisipanan kod sikato tan saray kabyangay boleg to. Anggad-angga yan sipanan.

Mateo 28:5

Akisalita may anghil diad saramay bibii, “Ag kayo natatakot. Kabat kon aanapen yoy Jesus ya impasak ed krus.

Daniel 10:12

Insan inkuanto, “Daniel, ag ka natatakot. Dinengel na Dios so pikakasim nanlapu lad samay ononan agew na impanpaabebam, pian nawalaan kay maung a pakatalus. Ebat na pikakasim so inyakar ko dia.

Saray Huis 6:23

Balet say Katawan kuantod sikato, “Mandeen ka. Ag ka natatakot. Ag ka ompatey.”

Genesis 17:10

Nakaukolan a sika tan saray kabyangay boleg mo et pasegat yo so balang sakey a laki ed sikayo.

Lucas 1:30

Inkuan na anghil, “Ag ka natatakot, Maria, ta pinalaboan kay Dios.

Isaias 8:3

Ag abayag nanlokun so asawak. Nen nianak so anak min laki inkuan ed siak na Katawan, “Ngaranan mo na Mahershalal-hash-baz.

Oseas 1:6

Nanlokun lamet si Gomer tan nananak na sakey a bii. Say Katawan kuantod kinen Oseas, “Ingaran mo so anak mo na “Ag naaro,” ta ag ko la aroen iray totood Israel odino pirdonaen ira.

Oseas 1:4

say Katawan kuantod kinen Oseas, “Ingaran mo na ‘Jezreel,’ ta magano lay panusak ed Israel lapud saramay impamapatey nen laki ton Jehu diad siudad na Jezreel. Patondaen ko la so panooley nen Jehu tan saray kabyangay pamilya to.

Marcos 16:6

Inkuanto, “Ag kayo mankelaw. Aanapen yoy Jesus a taga Nazaret a nipasak ed krus, anto? Andi dia, ta inmoli lad bilay. Nengneng yoy angiparokulan dad sikato.

Mateo 1:21

Mananak na laki. Jesus so ingaran mod sikato, ta sikatoy mangilaban ed saray totoo tod saray kasalanan da.”

Lucas 1:14

Agaylay panliket tan panggayagam, tan agaylay panliket na amayamay a totoo ed kianak to!