Levitico 9:24 - Maung A Balita Biblia

²⁴ Kabebekta say Katawan angipelag na apoy, tan inoput ton pinoolan imay bagat a popoolan tan saramay taba ed tapew na altar. Nen anengneng ya na saray totoo, inmeyag iran amin tan dinmakmomo ra ya anggad dalin.

Maung a Balita Biblia

²⁴ Kabebekta say Katawan angipelag na apoy, tan inoput ton pinoolan imay bagat a popoolan tan saramay taba ed tapew na altar. Nen anengneng ya na saray totoo, inmeyag iran amin tan dinmakmomo ra ya anggad dalin.

Levitico 9:24 Referans Kwoze

Saray Huis 6:21

Inyonat na samay anghil na Katawan so lima to, insan to indiwit so ngoroy bislak a sankabembenan to ed saramay karni tan tinapay. Pinmaway so apoy ed samay bato tan inoput ton pinoolan ira may karni tan tinapay. Insan naandipat imay anghil.

1 Saray Awaran 21:26

Insan nanggaway altar a para Katawan tan angisaklang na saray bagat a popoolan tan saray bagat a para kareenan. Nampikasi, et inebatan na Katawan diad panamegley na impangibaki toy apoy a nanlapud tawen ya amool ed saramay imbagat ed tapew na altar.

Saray Salmo 80:1

Dengel mo kami pa, O Pumapastol na Israel; talineng mo kami pa, sika a pangulo da ray karnirom. Sika a manyodyorung ed tronom diad tagey da ray kirubin,

Saray Huis 13:23

Balet inmebat imay asawa to, “No tuan labay na Katawan a pateyen ita, ag to la komun inawat ira may bagat ta; ag to la komun impanengneng yan amin ed sikata tan ag to la komun imbagad sikata yan bengatla.”

Levitico 6:13

Nepeg a mandarlang lawas so apoy ed tapew na altar tan ag balut paolyan a naerep.

Exodo 3:2

Diman pinmanengneng ed sikato so anghil na Katawan ed nengneng na apoy a manlalapud pegley na sakey ya abeban kiew; anengneng nen Moises a mandarlang imay kiew, balet ag napopoolan.

Genesis 15:17

Nen sinmelek lay agew tan ambilonget la, biglan walay banga a manasasewek tan kiew a mandarlang a dinmalan ed nanleetan na saramay pinalduan laman na ayayep.

Puyan 7:11

Inmalagey ya amin iray anghil a walad kaliber-liber na trono, saramay mamatakken, tan saramay apatiran mabilay a pinalsa. Dinmakmomo rad arap na trono tan angigalang irad Dios.

Puyan 5:8

Nen nala to la, dinmakmomod arap na Kordiro ira may apatiran mabilay a pinalsa tan saramay duamplo tan apat a mamatakken. Sankabembenan na balang sakey ed sikara so arpa tan balituk iran yaung a napnoy insinso, a sikara yay pikakasi na saray totoo na Dios.

Mateo 26:39

Kaarawi toy daiset, dinmakmomo a sinmabid dalin so lupa to tan nampikasi, “Amak, no nayari komun, ipaliis mo siak yan kupay kairapan! Balet aliwan say linawak, no ag ingen say linawam, so nasumpal.”

Esdras 3:11

Nankakanta ra a pangidayew tan pisalamat dad Katawan. Inolit-olit dan kinanta yan parti na kanta: “Maung so Katawan tan say ag mangoman a panangaro tod Israel et andi-anggaan.” Inmeyag so balang sakey na anggaay nayarian to; indayew day Katawan lapud nigapo lan niletneg so pundasion na Timplo.

Puyan 4:9

Saramay apatiran pinalsa a mabilay et ikakanta ray pangidayew, pangitanduro, tan pisasalamat ed samay akayorung ed trono, say mabilay ya anggad angga. Leleg dan mangakanta,

2 Saray Awaran 6:2

Amaalagey ak natan na marakerakep a timplon para sika, sakey a pasen a panayaman mo ed ando lan ando.”

2 Saray Arari 19:15

tan nampikasi, “O Katawan a Dios na Israel, manyodyorung kad mapagalang a tronom diad tagey na saray kirubin, bukbukor moy Dios a manooley ed amin a nanarian diad mundo. Pinalsam so tawen tan dalin.

Saray Bilang 16:22

Balet di Moises tan Aaron dinmakmomo ra ya anggad dalin tan kuanda, “O Dios, sika so nanlapwan na amin a bilay. No mankasalanan so sakey a too, mampasnuk ka kasi ed amin a totoo?”

Saray Bilang 14:5

Insan si Moises tan si Aaron dinmakmomo ra ya anggad dalin diad arap na amin a totoo.

Genesis 17:3

Dinmakmomoy Abram ya anggad dalin so lupa to, insan inkuan na Dios.

Levitico 10:2

Kabebekta say Katawan angipelag na apoy tan pinoolan to ra ya anggad ag da impatey ed arap to.

Saray Bilang 23:21

Nanengneng kon say arapen na Israel Et anggapoy gunigon odino kakapoyan. Kaolup da so Katawan a Dios da; Ibabawag da a sikatoy ari ra.