Levitico 9:23 - Maung A Balita Biblia

²³ Si Moises tan si Aaron linmoob irad dalem na samay Tuldan Ayamay Katawan; nen pinmaway ira binindisionan da ray katoowan tan pinmatnag ed amin a totoo so kagalangan na Katawan.

Maung a Balita Biblia

²³ Si Moises tan si Aaron linmoob irad dalem na samay Tuldan Ayamay Katawan; nen pinmaway ira binindisionan da ray katoowan tan pinmatnag ed amin a totoo so kagalangan na Katawan.

Levitico 9:23 Referans Kwoze

Levitico 9:6

Inkuanen Moises, “Ingganggan na Katawan a gawaen yo ra yan amin, pian nipanengneng ed sikato so kagalangan to.”

Saray Bilang 16:19

Insan si Core tinipon to ray amin ya Israelita, tan nanalagey iran akaarap ed kindi Moises tan Aaron diad lolooban na Tulda. Kabebekta pinmatnag ed amin a katoowan so kagalangan na Katawan;

Saray Bilang 16:42

Kayari na impantitipon dan nanriklamo sumpad kindi Moises tan Aaron, linmingaw irad Tulda et anengneng dan ontatarung ed samay Tulda so lorem tan pinmatnag so kagalangan na Katawan.

Saray Bilang 14:10

Dawitdawit da la ran tupaken, balet kabebekta anengneng na saray totoo so kagalangan na Katawan a pinmatnag ed tagey na Tulda.

Exodo 39:43

Inapiapiger iran ninengneng nen Moises, et anengneng ton ginawa ray amin a bengatla, onung na ingganggan na Katawan. Kanyan binindisionan nen Moises ray totoo.

2 Saray Awaran 7:1

Nen asumpal nen Solomon so pikakasi to, pinmelag a nanlapud tawen so apoy tan pinoolan to ray bagat ya insasaklang. Insan say Timplo napno na kagalangan na Katawan.

Exodo 16:10

Nen mansasalitay Aaron ed amin a katoowan linmingaw ira ed kalawakan, et kabebekta pinmatnag ed lorem so kagalangan na Katawan.

Levitico 9:4

tan sakey a bakan kalakyan tan sakey a kordiron kalakyan ta ibagat da ran para kareenan. Ibagat da ra ya ed Katawan a katekep da so bagat a trigo ya inkames ed larak. Nepeg da yan gawaen ta say Katawan mampanengneng ed sikara natan.”