Levitico 8:35 - Maung A Balita Biblia

³⁵ Diad loob na pitoran agew nepeg a manayam kayod mad lolooban na Tulda diad agew tan labi tan gawa yoy ingganggan na Katawan. No ag yo sumpalen, ompatey kayo. Sikato ya so ingganggan na Katawan ed siak.”

Maung a Balita Biblia

³⁵ Diad loob na pitoran agew nepeg a manayam kayod mad lolooban na Tulda diad agew tan labi tan gawa yoy ingganggan na Katawan. No ag yo sumpalen, ompatey kayo. Sikato ya so ingganggan na Katawan ed siak.

Levitico 8:35 Referans Kwoze

1 Saray Arari 2:3

sumpal moy amin ya iganggan ed sika na Katawan a Dios mo. Toluk mon amin iray ganggan tan bilin to onung na nisulat ed Ganggan nen Moises, pian onaligwas ka ed antokaman a gawaen mo, inerman so laen mo.

Deuteronomio 11:1

“Aro yo so Katawan a Dios yo tan onur yo lawas iray amin a ganggan to.

Saray Bilang 9:19

Nen abaybayag ya akasakbung ed Tulda imay lorem, inonur da so Katawan tan ag ira inmalis.

Saray Bilang 3:7

Sikaray makaoley ed saray kimey ed Tuldan Ayaman ko tan manlingkur ed saray papari tan amin da ray Israelita.

Saray Hebreo 7:28

Saray pangulon papari ya apili ra onung ed Ganggan nen Moises et wala ray kakapoyan da; balet say sipan a tinekepay samba, a naonur a sinmabi nen say Ganggan, tinoro toy Anak ya agawan nagnap ya andi-anggaan.

2 Timoteo 4:1

Bibilinen ta ka, diad arap na Dios tan arap nen Cristo Jesus a manintinsia ed saray mabilay tan saray inatey: lapud say isabi to tan say Panarian to, igaganggan ta kan

1 Timoteo 6:20

Timoteo, asikasom a maung so nipia ed sika. Paliisan moy tongtongan ya aliwan makapaliket ed Dios, tan say sangsangan na “Pakatalus,” onung ed aliwan pananawag na arum a totoo.

1 Timoteo 6:17

Bilin mo ray mamayaman ed sayan mundo ya ag ira mapasirayew, tan ag ira manmatalek ed ag mansiansian kayamanan, no ag ingen manmatalek irad Dios a mangiiter a mabonbonluk ed sikatayo na amin a bengatlan panliketan tayo.

1 Timoteo 6:13

Diad arap na Dios a mangiiter na bilay ed amin a bengatla, tan diad arap nen Cristo Jesus a maung so impantasi tod arap nen Poncio Pilato, igaganggan ta ka:

1 Timoteo 5:21

Diad arap na Dios tan si Cristo Jesus tan saray masanton anghil to, mapilit kon igaganggan ed sika ya onur mo ra yan bilin. Anggapo komuy lalabien o ibibiig mo.

1 Timoteo 1:18

Anak kon Timoteo, imatalek kod sika yan ganggan, onung ed saramay abayag lan propisiyan nipaakar ed sika. Saraman a salita so ikanam ya armas diad pibakal mod maung a laban,

2 CORINTO 7:1

Nisipan ira yan amin ed sikatayo, inararon agagi. Linisan tayo sirin so laman tan ispiritu tayo ed amin a makarotak. Pampelengan ti siriy magmaliw a nagnap ed kinasanto, diad panamegley na pambilay a walay panamagalang tayo ed Dios.

Ezekiel 48:11

Sayan masanton pasen et para saray papari a say sengeg da et si Zadoc. Matoor iran nanlingkur ed siak tan ag ira akibabali ed saray arum ya Israelita diad impanggagawa ray kaogsan; aliwa ran singa saray kabyangay tribu nen Levi ya akibabali ra.

Ezekiel 43:25

Inagew-agew ed loob na pitoran agew nepeg a mangisaklang ka na sakey a kanding, sakey a bakan kalakyan, tan sakey a karniron kalakyan a bagat iran para kasalanan. Amin da nepeg ya anggapon balut so deral na laman da.

Saray Bilang 19:12

Nepeg a linisan toy sikaton dili na danum a panaglinis no kumatlo tan kumapiton agew, et diad ontan magmaliw a malinis. Balet no ag to linisan so sikaton dili ed kumatlo tan kumapiton agew, ag magmaliw a malinis.

Levitico 14:8

Samay too ipesak toy kawes to, poklisan toy olo to, tan manames; diad onya magmaliw a malinis onung ed ganggan. Nayarian toy onloob ed kampo balet ta manayam ni na pitoy agew ed paway na tulda to.

Levitico 10:1

Di Nadab tan Abiu a lalakin anak nen Aaron inala ra so pananginay insinso na balang sakey ed sikara, kinargaan da ra na ngalab, tinapewan da ra na insinso, insan da ra inyapay ed Katawan. Balet aliwa yan masanton apoy, ta say Katawan ag to ra ingganggan ya iyapay da.

Levitico 8:30

Inala nen Moises imay larak ya ipopoyuk tan angala na daiset a dala a walad tapew na altar tan inwalsik tod kinen Aaron tan diad saramay anak to; winalsikan to met iray kawes da. Diad onya inkonsagra to rad Katawan pati saray kawes da.

Exodo 29:35

“Diad loob na dugarugan pitoran agew gawam so sirimonya na pangikonsagra ed kinen Aaron tan saray anak to onung na ingganggan ko.

Levitico 8:34

Ingganggan na Katawan so ginawa tayo natan, pian naekal so kasalanan yo.

Levitico 8:36

Kanyan si Aaron tan saramay anak to sinumpal day amin ya ganggan na Katawan diad panamegley nen Moises.