Levitico 7:35 - Maung A Balita Biblia

³⁵ Sikato yay parti na bagat a popoolan so niiter ed kinen Aaron tan saray anak ton lalaki nen nikonsagra ran papari na Katawan.

Maung a Balita Biblia

³⁵ Sikato yay parti na bagat a popoolan so niiter ed kinen Aaron tan saray anak ton lalaki nen nikonsagra ran papari na Katawan.

Levitico 7:35 Referans Kwoze

1 Juan 2:27

Balet nipaakar ed sikayo, inter nen Cristo so Ispiritu tod sikayo. Dapot mansiansiay Ispiritu tod sikayo, ag yo nakaukolay siopaman a mangibangat ed sikayo. Say Ispiritu to so mangibangat ed sikayo na amin a bengatla, tan say katwaan so ibangat tod sikayo, aliwan say tila. Onur yo sirin so bangat na Ispiritu tan mansiansia kayod Cristo.

1 Juan 2:20

Balet amin yo amta yoy katwaan, ta niiter lay Ispiritu Santo ed sikayo.

2 CORINTO 1:21

Ta say Dios so mamapaelet na pikakasakey mi tan sikayo ed Cristo. Say Dios met so amilid sikami.

Juan 3:34

Ta say imbakiy Dios ipulong toy salitay Dios, ta ag nasabsabaay pangiter na Dios ed sikato na Ispiritu.

Isaias 61:1

Say Katawan a Dios pinano to ak na ispiritu to. Pinili to ak tan imbaki to ak A mangibagad saray mairap-bilay na maung a balita. Mamaabig ed saray maermen, Mangibawag na kawayangan ed saray adakep Tan mangibolus ed saray priso.

Isaias 10:27

No onsabiy tan ya agew ekalen ta kayod pakayari na Asiria, tan say pako ra et ag lad satan makabelbelat ed tenger yo.”

Levitico 8:30

Inala nen Moises imay larak ya ipopoyuk tan angala na daiset a dala a walad tapew na altar tan inwalsik tod kinen Aaron tan diad saramay anak to; winalsikan to met iray kawes da. Diad onya inkonsagra to rad Katawan pati saray kawes da.

Exodo 29:21

Mangala ka na daiset a dala a walad altar tan say daiset a larak a panagpoyuk, tan iwalsik mo ra ed saray kawes di Aaron tan saray anak to. Diad ontan si Aaron, saray anak to, tan saray kawes da et nisaklang iran masanto ed siak.

Exodo 29:7

Insan mo alaen so larak a panagpoyuk, ikalbom ed olo to, tan poyukan mo.

Exodo 29:1

“Saya so gawaen mo ed kinen Aaron tan saray lalakin anak to diad pangikonsagram ed sikara, pian manlingkur iran papari ed siak. Mangala ka na sakey a kilaw a bakan kalakyan tan duaran karniron kalakyan ya anggapoy deral na laman da.

Exodo 28:1

“Paawit moy agim ya Aaron tan saray lalakin anak to a di Nadab, Abiu, Eleazar, tan Itamar. Ibiig mo rad saray Israelita, ta sikaray manlingkur a papari ed siak.

1 Samuel 2:28

Diad saray amin a tribu na Israel, pinilik iray kabyangay pamilya to a magmaliw iran paparik, manlingkur ed altar, mamool na insinso, tan mansolung na ipod no mangipanon irad siak. Inter kod sikaray kanepegan a mangalay betang da ed saray bagat a popoolan.