Levitico 7:34 - Maung A Balita Biblia

³⁴ Say pagew na ayep tan say kawanan a kamanonur ya ulpo to et sakey iran rigalo ya inalay Katawan ed saray Israelita tan inter tod saray papari. Sikato ya so nepeg ya iter na saray Israelita ed saray papari kapigan man a panaon.

Maung a Balita Biblia

³⁴ Say pagew na ayep tan say kawanan a kamanonur ya ulpo to et sakey iran rigalo ya inalay Katawan ed saray Israelita tan inter tod saray papari. Sikato ya so nepeg ya iter na saray Israelita ed saray papari kapigan man a panaon.

Levitico 7:34 Referans Kwoze

Deuteronomio 18:3

“Kapag nibagat so baka odino karniro, nepeg ya iter ed saray papari iray takeb, saray aping, tan say eges.

Levitico 3:17

Anggapoy Israelita a nayarin mangan na taba odino dala; sayan totontonen et nepeg a sumpalen na amin ya Israelita ed anggan kapigan tan iner man a panaayaman da.

Exodo 29:9

balabalan mo rad awak tan isinger mod kaoloan da so sakub na toktok na olo. Ontan so pangikonsagram ed kinen Aaron tan saray lalakin anak to. Sikara tan saray kabyangay boleg da et nepeg a manlingkur iran papari ed siak diad ando lan ando.

Exodo 29:26

“Alam so pagew na sayan karniron kalakyan tan iyapay mon nidoma-doman rigalo ed siak. Sayan parti na ayep et kayaryan mo.

Levitico 7:33

ed pari a mangisaklang na dala tan taba na bagat a para kareenan.

Saray Bilang 5:9

Ontan met, amin a nidoma-doman bagat ya isaklang da ray Israelita ed Katawan et kayaryan ira parin pangiteran da.

Saray Bilang 8:11

insan si Aaron isaklang tod siak iray Levita a nidoma-doman rigalon nanlapud saray Israelita, ta gawaen day kimey ko.

Saray Bilang 6:20

Insan say pari iyapay to ran nidoma-doman rigalo ed Katawan; masanton bagat ira a para pari, a kaaruman ira na pagew tan ulpo na samay karniro ya onung ed ganggan et kayaryan ira na pari. Kayari to ya, samay Nazareo nayarin oninom la na alak.