Levitico 7:31 - Maung A Balita Biblia

³¹ Say pari poolan tod tapew na altar imay taba, balet samay pagew kayaryan na saray papari.

Maung a Balita Biblia

³¹ Say pari poolan tod tapew na altar imay taba, balet samay pagew kayaryan na saray papari.

Levitico 7:31 Referans Kwoze

Levitico 7:34

Say pagew na ayep tan say kawanan a kamanonur ya ulpo to et sakey iran rigalo ya inalay Katawan ed saray Israelita tan inter tod saray papari. Sikato ya so nepeg ya iter na saray Israelita ed saray papari kapigan man a panaon.

Levitico 3:16

Say pari poolan to ra yan amin ed tapew na altar a sakey a bagat a makapaliket ed Katawan. Amin a taba kayaryan na Katawan.

Levitico 3:11

Say parin mangibabagat poolan to ra yan amin ed tapew na altar a sakey a bagat a popoolan ed Katawan.

Levitico 3:5

Saray papari poolan da ra yan amin diad tapew na altar a pati saray bagat a popoolan. Makapaliket ed Katawan so balingit na sayan bagat.

Saray Bilang 18:18

Say karni na sarayan bagat et kayaryan yo ra, singa say pagew tan say kawanan ya ulpo na nidoma-doman bagat.

Levitico 8:29

Insan inala nen Moises so pagew tan inyapay ton sakey a nidoma-doman rigalo ed Katawan. Sikato yay parti a kayaryan nen Moises ed samay karniron inkanad impangonsagra. Ginawa nen Moises so onung na ingganggan na Katawan.

Levitico 6:26

Say parin mangibagat ed samay ayep kanen tod masanton pasen, diad solar na Tuldan Ayamay Katawan.

Levitico 6:16

Kanen na saray papari so akeraan ed samay arina. Nepeg a gawaen a tinapay ya anggapoy libadura tan kanen ed masanton pasen, diad solar na Tuldan Ayamay Katawan. Say Katawan inter to yad saray papari a nabebetangan da ed saray bagat a popoolan. Masanton tuloy yan bagat, a singa saray bagat a para kasalanan tan saray bagat a pambayar.

Levitico 5:13

Diad onya say pari isaklang to so bagat a para kasalanan na sakey a too, et napirdona yan too. Say soluk ed samay arina kayaryan na pari, a singa say gawaen ed bagat a trigo.

1 CORINTO 9:13

Ag yo ta kabat a saray manlilingkur ed Timplo et diad Timplo met so pangaalaan day kakanen da, tan saray mangibabagat ed altar et minanabang irad saray ibabagat?

Exodo 29:26

“Alam so pagew na sayan karniron kalakyan tan iyapay mon nidoma-doman rigalo ed siak. Sayan parti na ayep et kayaryan mo.

Saray Bilang 18:11

“Say kaaruman to ya et saray arum a nidoma-doman rigalon isaklang ed siak na saray Israelita; kayaryan yo met ira ya. Iter ko rad sika, saray anak mon lalaki tan bibii; iter ko rad sikayo anggan kapigan man. Nayarin kanen ira na amin a kabyangan na pamilyam no malinis ira onung ed ganggan.

Deuteronomio 18:3

“Kapag nibagat so baka odino karniro, nepeg ya iter ed saray papari iray takeb, saray aping, tan say eges.