Levitico 7:18 - Maung A Balita Biblia

¹⁸ No walay karnin kinan ed kumatlon agew, say Dios ag to awaten so bagat na samay too. Sayan bagat ag nipasen a manepeg a bagat na samay too, no ag ingen sakey bagat a marotak, tan nadusa so siopamay mangan ed sayan bagat.

Maung a Balita Biblia

¹⁸ No walay karnin kinan ed kumatlon agew, say Dios ag to awaten so bagat na samay too. Sayan bagat ag nipasen a manepeg a bagat na samay too, no ag ingen sakey bagat a marotak, tan nadusa so siopamay mangan ed sayan bagat.

Levitico 7:18 Referans Kwoze

Saray Bilang 18:27

Sayan nidoma-doman bagat et kasimbang na bagat a balon trigo tan balon alak ya isaklang na dumaralus.

Levitico 22:25

Ag yo isasaklang a bagat a kakanen so ayep a nanlapud saray sangkaili. Sayan ayep et nibilang a walay deral na laman to kanyan ag nayarin ibagat.

Levitico 11:41

Ag yo nepeg so mansira na dinan man ya ankekelag ya ayep a manaakar ed tapew na dalin, ta marotak ira.

1 Pedro 2:24

Diad impatey nen Cristo ed tagey na krus, sinakbat tod laman to ray kasalanan tayo, pian taynan ti lay kasalanan tan mambilay ti la onung ed linaway Dios. Inmabig kayo diad panamegley na saray sugat to.

Saray Hebreo 9:28

Ontan met, aminsan a nibagat si Cristo, pian nasakbat to ray kasalanan na amayamay a totoo. Mampanengneng a kumadwa, balet aliwan lapud kasalanan, no ag ingen lapud ilaban to ray manaalagar ed sikato.

Saray Taga Roma 4:11

Sikatoy sinegat a tanday impamaandi na Dios ed kasalanan to lapud pananisia to nen ag ni asegat. Kanyan si Abraham et nagmaliw a maispiritun ama na amin da ray mananisian pinaandi na Dios iray kasalanan da, anggaman ya ag ira asegat.

Lucas 16:15

Inkuanen Jesus ed sikara, “Mansimpisimpitan kayod arap na totoo, balet amtay Dios so kipapasen da ray puso yo. Ta say ipapasen a makanakana na too, anggapoy kana tod Dios.

Malakias 1:13

Ibabaga yo, ‘Onsasawa kami lad sarayan amin!’ Insan yo ak kokobibitan. Mangibabagat kayod siak na tinakew ya ayep odino piley odino mansasakit. Abaloan yo awaten ko tan ed sikayo?

Malakias 1:10

Say Katawan a Makapanyarin-amin kuanto, “Oy la komun, ta sakey ed sikayo so mangisarad saray kaput na Timplo, pian anggapod sikayoy manelsel na andi-kakanaan ya apoy ed altar ko. Ag ak makaliliket ed sikayo; ag ko awaten iray bagat ya iyaakar yod siak.

Amos 5:22

No mangyakar kayod siak na saray bagat a popoolan tan saray bagat a trigo ag ko ra awaten. Ag ko awaten iray pinataba yon ayayep ya iyakar yon bagat ed siak.

Oseas 8:13

Mangibabagat irad siak tan kakanen da ray karnin imbagat. Balet siak a Katawan et ag ak makaliliket ed sikara, tan natan nanunotan koy kasalanan da, et dusaen ko rad saya; papawilen ko ra ed Egipto!

Ezekiel 18:20

Say nankasalanan sikato so ompatey. Say anak et ag nadusa lapud saray kasalanan na ama to, odino say ama lapud saray kasalanan nen anak to. Natumangan so toon matonung lapud saray kamaungan a gagawaen to, tan nadusa so toon maoges lapud saray kaogsan a gagawaen to.

Jeremias 14:12

Anggan manayuno ra ag ko dengelen so ikekerew day tulong; ag ak manliket ed sikara anggaman a mangisaklang irad siak na saray bagat a popoolan tan saray bagat a trigo. Ingen, pateyen ko ra diad panamegley na bakal, eras tan salot.”

Jeremias 14:10

Say Katawan kuanto nipaakar ed sarayan totoo, “Inaro ra so ontaynan ed siak tan ag da pokpokan so sikaran dili. Kanyan sirin, ag ak manliket ed sikara. Nunoten ko ray maoges a ginagawa ra tan dusaen ko ra lapud saray kasalanan da.”

Isaias 66:3

“Saray totoo gagawaen day labay dan dili. Anggapoy pandomaan ed sikara so pamatey na baka ya ibagat tan say pamatey na too ya ibagat; say pangibagat na kordiro tan say pamekpek na aso ed tenger; say pangisaklang da na bagat a trigo tan say pangibagat day dala na baboy; say pangibagat da na insinso tan say pampikasi rad talintaoy diriyos. Maliket irad makapaingungot a klasiy panangigalang ed Dios.

Isaias 65:4

Diad labi oonla rad saray ongib tan diad saray lobuk, ta mangipanon irad saray ispiritu na inaatey. Mamangan iray karniy baboy tan oniinom iray sabaw na karnin nisaklang a bagat na saray pagano.

Levitico 22:23

Say bakan kalakyan odino kordiron masoluk odino kulang so imbaleg na dinan a partiy laman to et nayarin ibagat a pinalapud mabolus a linawa, balet ag nayarin isaklang a bagat diad panumpal ed sipan.

Levitico 22:16

nepeg ya ag da iyabuloy a kanen ira na toon aliwan manepeg a mangan; saya et pakapankasalananan na toon mangan tan pakadusaan to. Siak so Katawan a mamapasanto ed saray bagat.”

Levitico 20:19

No say sakey a laki et miakdul ed panginaen to, nepeg ya akoen day dusa lapud maoges a tuloy so ginawa ra.

Levitico 20:17

No say sakey a laki et asawaen toy agi ton peteg odino say agi tod ama o ina, nanggawa ran duay kababaingan, tan nepeg iran pataynanen ed olupan da ray Israelita. Akiakdul ed agi to kanyan nepeg ya akoen toy dusa na ginawa to.

Levitico 17:16

No ag to ra ya gawaen, nadusa.

Levitico 10:19

Inmebat si Aaron, “Natad sayan agew say totoo angisaklang irad arap na Katawan na bagat dan para kasalanan tan bagat a popoolan, balet siansian makapasinagem so agawad siak. No angan ak natan ed samay bagat a para kasalanan, makapaliket ya kasi ed Katawan?”

Levitico 10:17

“Akin et ag yo inakan ed masanton pasen imay bagat a para kasalanan? Masanton tuloy iman, et say Katawan inter tod sikayo pian napaandi toy kasalanan na amin da ray Israelita.

Levitico 5:17

No say sakey a too et ag to ginagalan asumlang so sakey ed saray ganggan na Katawan, nankasalanan tan nepeg a nadusa.

Levitico 7:19

No say karni et nidiwit ed antokaman a marotak onung ed ganggan, ag nepeg a kanen, no ag ingen poolan. Siopamay malinis onung ed ganggan nayarin mangan ed samay karni,

Probirbio 15:8

Makaliliket so Katawan no mampikasi iray totoon maptek, balet kabosul to ray bagat ya iyaakar ed sikato na saray totoon maoges.

Levitico 19:5

“No mamatey kayo na ayep ya ibagat a para kareenan, tombuk yo ray totontonen ya inter kod sikayo, et awaten koy bagat yo.