Levitico 6:21 - Maung A Balita Biblia

²¹ Nepeg a nikames ed larak imay arina tan niluto ed bibingkaan, pingpinglisen, insan isaklang a bagat a trigo ed Katawan; makapaliket ed Katawan so balingit na sayan bagat.

Maung a Balita Biblia

²¹ Nepeg a nikames ed larak imay arina tan niluto ed bibingkaan, pingpinglisen, insan isaklang a bagat a trigo ed Katawan; makapaliket ed Katawan so balingit na sayan bagat.

Levitico 6:21 Referans Kwoze

Levitico 2:5

No say ibagat et tinapay a nilutod bibingkaan, say arina nepeg ya ikames ed larak na oliba balet ag laukan na libadura.

Levitico 7:9

Amin a bagat a trigo a nilutod ornowan odino diad kawali odino diad bibingkaan et kayaryan na pari ya angibagat.

1 Saray Awaran 9:31

Sakey a Levita a manngaray Matatias, a sankapangulowanan a lakin anak nen Sallum tan kabyangan na boleg nen Core so makaoley ed panaggaway maimpis a tinapay a para bagat.

Levitico 6:22

Diad amin a panaon ya onsabi sayan bagat et nepeg ya isaklang na balang kabyangan na boleg nen Aaron a manlilingkur a sakey a Pangulon Pari. Nepeg a sigput a napoolan yan bagat ya isaklang ed Katawan.

Levitico 7:12

No say sakey a too et mangisaklang na sayan bagat a pisalamat tod Dios, nepeg a tekepan to na bagat a tinapay ya anggapoy libadura: nayarin makapal a tinapay a nikames ed larak na oliba, odino maimpis a pinoranisay larak na oliba, odino tinapay a nikames ed dakel a larak.

1 Saray Awaran 23:29

Sikara met so makaoley ed saray tinapay ya imbagat ed Dios, diad arinan inkana ed saray panagbagat, diad saray maimpis a tinapay ya anggapoy libadura, diad saray bagat ya inggawan kanen, tan diad arinan inkames ed larak; sikara met so makaoley ed panagsimbang tan panagsukat na saray bagat ed Timplo.

Levitico 11:33

Et no dinmapod banga so inatey a laman da, amin a karga to may banga magmaliw a marotak, tan nepeg yon betagen.

Levitico 15:12

Say bangan nadiwit na samay too et nepeg a betagen, tan say kiew a yaung a nadiwit to et nepeg ya orasan.