Levitico 5:2 - Maung A Balita Biblia

² No say sakey a too et ag to ginagalan adiwit so bengatlan marotak onung ed ganggan, a singa bilang say inatey ya ayep, magmaliw a marotak tan nankasalanan diad bektan abirbir to so agawa to.

Maung a Balita Biblia

² No say sakey a too et ag to ginagalan adiwit so bengatlan marotak onung ed ganggan, a singa bilang say inatey ya ayep, magmaliw a marotak tan nankasalanan diad bektan abirbir to so agawa to.

Levitico 5:2 Referans Kwoze

Levitico 5:17

No say sakey a too et ag to ginagalan asumlang so sakey ed saray ganggan na Katawan, nankasalanan tan nepeg a nadusa.

Deuteronomio 14:8

Ag kayo mangakan na baboy. Marotak ya ayep; pisag iray koko to, balet ag mamparintek. Ag kayo mamangakay dinan man ed sarayan ayayep o didiwiten so laman ton inatey.

Aggeo 2:13

Insan tinepet nen Aggeo, “No bilang ta walay sakey a toon arotakan lapud adiwit toy bangkay, insan to diwiten so sakey ed sarayan kakanen, nadotakan met la ra kasi?” Inmebat ira may papari, “On.”

Levitico 11:11

Ipasen yon marotak ira yan sira. Ag yo ra kakanen, ni didiwiten iray laman dan inatey.

2 CORINTO 6:17

Kanyan ibabagay Katawan, “Nepeg yo ran taynan tan ibatikan. Ag kayo mibabalid marotak ya antokaman, et siak so mangawat ed sikayod satan.

Lucas 11:44

Pakaskasi kayo! Kaparpara yo ray lobuk ya anggapoy pakapatnagan, kanyan gatingatinan iray totoo, ta ag da amtan lobuk ira.”

Isaias 52:11

Ag yo sasaewen a taynan so Babilonia, amin yon umaawit na saray kagawaan na Timplo. Ag yo didiwiten so antokaman a marotak onung ed ganggan; pansiansia yon masanto so sikayon dili tan taynan kayo.

Saray Salmo 19:12

Anggapoy toon makanengneng na saray dilin lingo to; ipaliis mo ak pa, Katawan, ed saray niamut a kasalanan!

Levitico 7:21

Ontan met, no say sakey a too et mangan ed karni na sayan bagat kayari ton diniwit so bengatlan marotak onung ed ganggan, manlapu man ed too odino ayep, nipasen ya aliwa lan sakey ed saray totoo na Dios.

Levitico 5:4

No say sakey a too et nansamban andi-nunotan, ya anggan antoy kipaakaran, sikatoy nankasalanan diad bektan abirbir to so ginawa to.

Levitico 4:13

No amin ya Israelita so nankasalanan ta asumlang dan ag ginagala so sakey ed saray ganggan na Katawan,

Levitico 5:3

No say sakey a too et ag to ginagalan adiwit so bengatlan marotak a nanlapud too, anggan anton bengatla, sikatoy nankasalanan diad bektan abirbir to so agawa to.

Levitico 11:8

Ag kayo mamangakay dinan man ed sarayan ayayep, ni didiwiten so laman ton inatey; marotak ira yan ayayep.

Saray Bilang 19:22

Antokaman a diwiten na toon marotak et magmaliw a marotak met onung ed ganggan, tan siopamay maniwit na sayan antokaman a marotak et siansian marotak ya anggad labi.