Levitico 4:32 - Maung A Balita Biblia

³² No say sakey a too et manyakar na sakey a kordiro ya ibagat ton para kasalanan, nepeg a sakey a kabatyan ya anggapoy deral na laman to.

Maung a Balita Biblia

³² No say sakey a too et manyakar na sakey a kordiro ya ibagat ton para kasalanan, nepeg a sakey a kabatyan ya anggapoy deral na laman to.

Levitico 4:32 Referans Kwoze

Levitico 4:28

et no nipakabat la ed sikato so kasalanan ya agawa to, mangyakar na kanding a kabatyan ya anggapoy deral na laman to insan to ibagat.

1 Pedro 3:18

Ta inatey si Cristo ya amimpinsan para saray kasalanan, say anggapoy kasalanan para saray makasalanan, pian niasingger to itayod Dios. Inatey onung ed laman tan pinaolid bilay onung ed ispiritu.

1 Pedro 2:22

Anggapoy ginawa ton kasalanan; ag met nantila ya anggan kapigan.

Puyan 5:6

Insan anengneng koy sakey a Kordiron manalalagey ed pegley na samay trono, a niliber na saramay apatiran mabilay a pinalsa tan saramay mamatakken. Singa pinatey so nengneng to may Kordiro. Pitoray saklur to tan pitora met so mata to, a sikaray pitoran ispiritu na Dios a nibakid sankamundoan.

1 Pedro 2:24

Diad impatey nen Cristo ed tagey na krus, sinakbat tod laman to ray kasalanan tayo, pian taynan ti lay kasalanan tan mambilay ti la onung ed linaway Dios. Inmabig kayo diad panamegley na saray sugat to.

Saray Hebreo 9:14

Lapud tua ya, lalon dakel niy nagawaay dala nen Cristo! Diad panamegley na andi-anggaan ya Ispiritu, imbagat tod Dios so sikaton dili ya anggapoy tilul. Linisan na dala to so konsinsia tayo tan ekalan to na saray andi-kakanaan a gawgawa, pian nalingkuran tayo so Dios a mabilay.

Saray Hebreo 7:26

Si Jesus sirin, so Pangulon Pari a mangiiter na saray nakaukolan tayo! Ta sikatoy masanto; anggapoy tilul o kasalanan to; nibiig ed saray makasalanan tan nitanduro ya anggad labas da ray katawenan.

TAGA-EFESO 5:27

pian niparontal tod sikaton dili so iglisia—marakep, anggapoy mansa o komanet to, masanto, malinis, tan anggapoy pakabalawan.

Juan 1:36

Nen anengneng ton manaakar si Jesus inkuanto, “Niay Kordiro na Dios!”

Juan 1:29

Diad kaimbwasan, anengneng nen Juan si Jesus ya ondaragod sikato. Inkuanto, “Nia so Kordiro na Dios a mangekal na kasalanay sankamundoan.

Lucas 1:35

“Onlad sikay Ispiritu Santo,” ebat na anghil, “tan tarungan kay pakapanyariy Sankatageyan a Dios. Kanyan natawag ya Anak na Dios so masanton ogaw ya iyanak mo.

Isaias 53:7

“Mapalaloy inkairapan to, balet sipapaabeban nantepel; ag ton balut nambalikas na anggan sakey a salita. Aliling toy sakey a kordiron magano lan patasen, singa sakey a karniron magano lan katliay bago, ag ton balut nambalikas na anggan sakey a salita.

Levitico 5:6

tan say dusay kasalanan to et say pangibagat tod Katawan na sakey a kabatyan a karniro odino kanding. Say pari isaklang to so bagat a para kasalanan to yan too.

Exodo 12:5

Nayarian yon pilien so sakey a karniro odino sakey a kanding, balet nakaukolan a kalakyan a mansakey taon tan anggapoy deral na laman to.

Exodo 12:3

Iter mo ra yan bilin ed amin ya Israelita: Diad kumaplon agew na sayan bulan say balang ateng a laki et nepeg a mamili na sakey a kordiro odino sakey a kilaw na kanding a para pamilya to.

Levitico 1:3

No sakey ed saray baka to so isaklang ton bagat a popoolan, nepeg a bakan kalakyan ya anggapoy deral na laman to. Nepeg ton isaklang so baka diad lolooban na samay Tulda pian awaten na Katawan so mangisaklang.