Levitico 3:12 - Maung A Balita Biblia

¹² No say sakey a too et mangibagat na kanding,

Maung a Balita Biblia

¹² No say sakey a too et mangibagat na kanding,

Levitico 3:12 Referans Kwoze

2 CORINTO 5:21

Ag nankasalanay Cristo, balet lapud pankaabigan tayo, nibilang a makasalanan pian diad pikasakey tid sikato, nibilang itayon matonung ed arap na Dios.

Saray Taga Roma 8:3

Say ag nagawaay Ganggan lapud kakapoyay inkatoo, ginawa lay Dios. Dinusa toy kasalanan ed inkatoo diad panamegley na impangibaki toy dilin Anak to a linma dian too a makapankasalanan, tan nagmaliw a bagat para kasalanan.

Isaias 53:6

Nen saman singa tayo saray karniron abalang, manaakar ed dilin dalan to so balang sakey ed sikatayo. Balet impasakbat na Katawan ed sikato so dusan kanepegan tayo.

Isaias 53:2

Linawa na Katawan a say aripen to et ontubo a singa tanaman a say kawalaay lamut to diad amagan dalin. Aliwa-liwa so inalageyan to odino nengneng to, kanyan ag itayo naayat ya onlinggis ed sikato. Anggapoy karakpan ed sikato, kanyan ag itayo natanggoyur ya onsingger ed sikato.

Levitico 10:16

Si Moises tinepet to so nipaakar ed samay kanding ya ibagat para kasalanan, et naamtaan to ya apoolan la. Lapud saya, akapasnuk si Moises ed kinen Eleazar tan si Itamar. Inkuantod sikara,

Levitico 9:15

Kayari to ya, insaklang to ra may bagat na saray totoo. Inala to may kanding ya ibagat a para saray kasalanan da ray totoo, pinatey to, tan imbagat to a singa ginawa to ed samay bagat a pangekal na saray kasalanan to.

Levitico 9:3

Insan ibagam ed saray totood Israel a mangala ray sakey a kanding a kalakyan, ta ibagat da a para kasalanan, sakey taon a baka tan sakey taon a kordiro ya anggapoy deral na laman da, ta isaklang da ran bagat a popoolan,

Levitico 3:1

No say sakey a too et mangisaklang ed Katawan na bagat a para kareenan tan sakey ed saray baka to so ibagat to, nepeg a sakey a kalakyan odino kabatyan ya anggapoy deral na laman to.

Levitico 1:10

No sakey ed saray karniro odino kanding so ibagat na samay too, nepeg a sakey a kalakyan ya anggapoy deral na laman to.

Levitico 1:6

Insan to kataten imay ayep tan tegtegtegen to.

Levitico 1:2

a tombuken na saray Israelita no mangibagat ira. No mangibagat na sakey ya ayep so siopaman, nepeg a say ayep a manlapud saray baka to, odino diad saray karniro to odino diad saray kanding to.

Saray Bilang 15:6

No sakey a karniron kalakyan so ibagat, nepeg a tekepan na duaran kilon arina a nikames ed sakey tan kapalduan litron larak na oliba a bagat a trigo