Levitico 27:34 - Maung A Balita Biblia

³⁴ Sikara yay ganggan ya inter na Katawan ed kinen Moises diad tagey na Palandey na Sinai; nepeg ira yan onuren na saray totood Israel.

Maung a Balita Biblia

³⁴ Sikara yay ganggan ya inter na Katawan ed kinen Moises diad tagey na Palandey na Sinai; nepeg ira yan onuren na saray totood Israel.

Levitico 27:34 Referans Kwoze

Levitico 26:46

Amin da ra ya et sikaray ganggan tan bilin ya inter na Katawan ed kinen Moises diad tagey na Palandey na Sinai; nepeg ira yan onuren na saray totood Israel.

Saray Bilang 1:1

Diad ononan agew na kumadwan bulan na kumadwan taon na intaynan manlapud Egipto na saray Israelita, say Katawan akisalitad kinen Moises diad dalem na Tuldan Ayaman to diad kalawakan na Sinai. Inkuanto,

Juan 1:17

Inter na Dios so Ganggan ed panamegley nen Moises, balet say aro tan katwaan sinmabid panamegley nen Jesu-Cristo.

Deuteronomio 4:45

Inter to ra yan ganggan ed sikara nen akapaway irad Egipto tan wala la rad patar a bokig na Ilog na Jordan tan kasumbaliwan na baley na Bet-peor. Sayan pasen kabyangan na dalin nen Sehon ya ari da ray Amorreo a sikatoy nanoley ed baley na Hesbon. Si Moises tan saray Israelita et tinalo ray Sehon nen pinmaway irad Egipto.

Deuteronomio 4:5

“Imbangat kod sikayo ray amin a ganggan onung na imbagad siak na Katawan a Dios ko. Onur yo ra ed dalin a ngalngali yo la looban tan panayaman.

Levitico 7:38

Diad Palandey na Sinai diad kalawakan, say Katawan inter to ra yan ganggan ed kinen Moises diad samay agew ya imbaga tod saray totood Israel a mangibagat ira.

Saray Bilang 36:13

Sikara yay bilin tan totontonen ya inter na Katawan ed saray Israelita diad panamegley nen Moises diad saray patar na Moab ed nibaliw na Ilog na Jordan manlapud Jerico.

Deuteronomio 29:1

Diad impisipanan na Katawan saraya so ingganggan to ed kinen Moises ya ipasumpal ed saray Israelita nen wala rad dalin na Moab; amin da ra ya et kaaruman na samay impisipanan na Katawan ed sikara diad Palandey na Sinai.

Saray Bilang 3:1

Sikato yay pamilya di Aaron tan Moises diad samay panaon ya akitongtong so Katawan ed kinen Moises diad tagey na Palandey na Sinai.

Saray Bilang 28:6

Sikatoy inagew-agew a bagat a poolan, inmonan nibagat a popoolan diad Palandey na Sinai, tan makapaliket ed Katawan so balingit to.

Deuteronomio 1:3

Diad ononan agew na kumalabinsakey a bulan na kumaapataplon taon kayari ran tinaynan so Egipto, imbaga nen Moises ed saray totoo iray amin a bengatlan ingganggan na Katawan ya ibaga tod sikara.