Levitico 26:45 - Maung A Balita Biblia

⁴⁵ Pasimbaloen koy impisipanan kod saray lalaki ra nen impanengneng kod amin a bansa so pakayarik diad impangipaway kod saray totook manlapud Egipto, pian siak a Katawan so magmaliw a Dios da.”

Maung a Balita Biblia

⁴⁵ Pasimbaloen koy impisipanan kod saray lalaki ra nen impanengneng kod amin a bansa so pakayarik diad impangipaway kod saray totook manlapud Egipto, pian siak a Katawan so magmaliw a Dios da.

Levitico 26:45 Referans Kwoze

Levitico 25:38

Sikato yay ganggan na Katawan a Dios yo ya angipaway ed sikayo manlapud Egipto ta iter tod sikayoy dalin na Canaan tan magmaliw a Dios yo.

Ezekiel 20:22

Balet ag ko ginawa, bangta makapangyepas iman na kagalangan na ngaran ko diad saray bansa ya akanengneng ed siak ya angipaway ed Israel dimad Egipto.

Ezekiel 20:9

Balet ag ko ginawa, bangta makapangyepas iman na kagalangan na ngaran ko, ta diad imatun na saray totoon pipiayaman da nen saman, imbawag kod Israel ya ipaway ko ra ed Egipto.

Levitico 22:33

siak so angipaway ed sikayo manlapud Egipto pian magmaliw a siak so Dios yo. Siak so Katawan.”

Saray Taga Roma 11:12

Natan, no say impankasalanan da et inkabindisionay sankamundoan, tan say kinulangan dad maispiritun panagbilay et inkabindisionan da ray Hintil, lalo komun a dakdakel so bindision no amin ya Israelita et nibilang iran amin a totooy Dios.

Ezekiel 20:14

Balet ag ko ginawa, bangta makapangyepas iman na kagalangan na ngaran ko diad saray bansa ya akanengneng ed siak ya angipaway ed Israel dimad Egipto.

Exodo 20:2

“Siak so Katawan a Dios yo ya angipaway ed sikayod Egipto ya akaaripenan yo.

Exodo 6:8

Iyakar ta kayod dalin a sinambaan ko ya iter ed kindi Abraham, Isaac, tan Jacob; iter kod sikayo a kayaryan yo. Siak so Katawan.’”

Exodo 2:24

Dinengel toy ngesnges da, ta anunotan toy impisipanan tod kindi Abraham, Isaac, tan Jacob.

Genesis 15:18

Diad saman ya agew, akisipanan so Dios ed kinen Abram. Inkuanto, “Isipan kon iter ed saray kabyangay boleg mo yan dalin, manlapud ketegan na Egipto ya anggad Ilog na Eufrates,

Genesis 12:2

Itdan ta kay amayamay a kabyangay boleg mo, tan magmaliw iran sakey a bansan matalonggaring. Bindisionan ta ka tan pagmaliwen kon bantug so ngaran mo, pian sikay pakabindisionan na arum a totoo.

Genesis 9:15

nanunotan koy sipan kod sikayo tan diad amin ya ayayep ya ag lan balut deralen na delap iray amin a mabilay.

Exodo 6:6

Kanyan ibagam ed saray Israelita a sayay kuankod sikara, ‘Siak so Katawan; iyagel ta kayo tan ibolus ta kayo ed pangaaripen na saray Egipsio. Ipakanak so pakapanyarik diad pangiter kod sikara na makapataktakot a dusa, balet iliktar ta kayo.

Levitico 11:45

Siak so Katawan ya angipaway ed sikayod Egipto pian siak so magmaliw a Dios yo. Nepeg a masanto kayo, ta siak et masanto ak.

Deuteronomio 4:31

Sikatoy mapangasin Dios. Ag to kayo ikaindan o pateyen, tan ag to lingwanan so impisipanan tod saray lalaki yo.

Genesis 26:24

Diad saman a labi na intaynan to pinmayawar ed sikato so Katawan tan inkuanto, “Siak so Dios nen amam ya Abraham. Ag ka natatakot; kaiba ta ka. Bindisionan ta ka tan itdan ta kay amayamay a kabyangay boleg, lapud samay sipan kod kinen Abraham ya aripen ko.”

Genesis 28:15

Ag mo lilingwanan a wala ak ed sika tan iyagel ta kad inerman a laen mo, tan ipawil ta kad sayan dalin. Ag ta ka taynan, anggad pakasumpal kon gawaen ya amin iray insipan kod sika.”

Deuteronomio 9:27

Nudnunot mo pa ray aripen mon di Abraham, Isaac, tan Jacob, tan palabas mo lay inkaawet na olo da ra yan totoo, say inkaoges da, tan say kasalanan da.

Saray Salmo 106:45

Lapud sikara, anunotan toy impisipanan to, tan lapud baleg a panangaro to nansalat na kanunotan.